ӘБЕЙҘӘР СЫУАҒЫН ҠАР КИСЕП ҠАРШЫЛАРБЫҘМЫ?

Һиҙәһегеҙме, йәмәғәт, ел төньяҡҡа боролдо. Борондан күҙәтелгән, әгәр ел тиреҫтән килә икән, тимәк, оҙаҡламай ҡар яуыуы ла ихтимал. Әгәр дөрөҫ булһа, Уралдың таулы төбәктәрендә тәүге ҡар бөртөктәре күренгән дә инде. Синоптиктар һуңғы арала хаталанмай башланы. Һауа торошо боҙолорға, ямғыр ҡойорға булһа, фараздары тулыһынса раҫҡа сыға ла ҡуя. Бөгөн, мәҫәлән, иртәгәгә ҡаршы төндә ҡар вәғәҙә итәләр. Яуһа ла, оҙаҡ ятмаҫ, бер-ике сәғәт эсендә иреп бөтөр. Уның ҡарауы, аҙна уртаһында әбейҙәр сыуағы башланасаҡ. Йылы, күңелле һәм барыһы ла ҡәнәғәт буласаҡ. Бик алыҫҡа барғы килмәй, ләкин йылы һауа торошоноң ике аҙнаға яҡын булыуы бик ихтимал.