-26 °С
Болотло
75 лет Победы
Бөтә яңылыҡтар
Дөйөм мәҡәләләр
6 Март 2021, 00:35

Тормош күренеше. Айсулпанға ни булған?

Айсулпан, йүгереп йөрөп, уйынсыҡтарын йыуырға кереште, уларҙы торба өҫтөнә һалып, киптерҙе. Ваннаға барып инһәм, ҡыҙым әйтә: "Атай, һин миңә иғтибар итмә, - ти, - мин ошо уйынсыҡтарҙы ғына йыуам да, сығырмын".

Тормош күренеше
Айсулпанға ни булған?


Айсулпан, йүгереп йөрөп, уйынсыҡтарын йыуырға кереште, уларҙы торба өҫтөнә һалып, киптерҙе. Ваннаға барып инһәм, ҡыҙым әйтә: "Атай, һин миңә иғтибар итмә, - ти, - мин ошо уйынсыҡтарҙы ғына йыуам да, сығырмын".


Кисә тырышып-тырмашып, үҙенең бәләкәй, ҡулъяулыҡ ҙурлыҡ ҡына, таҫтамалын ышҡып торҙо. Тасҡа һыу ҡойоп, тәүҙә һабынланы, унан сайҙы. Һығышайым, тиһәм, үҙем, ти, яҡын да ебәрмәй. Эшен бөткәс, өҫтәп ҡуйҙы: "Хәҙер өйҙә мин - әсәй урынында. Әсәй бит, кер йыуһа, тәүҙә ебетергә һала, шунан йыуып ҡуя". Өйҙәге кер элгескә генә элде керен, ҡағып торҙо, шырышмаһын, тиҙер инде. Әсәй шулайта, ти.
Айсулпанға ни булған? Айсулпан бөгөн апай булды! Баһадир егеткә - минең улыма апай булды ул! Уңайҙан файҙаланып, әсәһе Гөлнарға оло рәхмәтемде еткерәм!!! Беҙ һеҙҙе түҙемһеҙләнеп көтәбеҙ!

Читайте нас в