Яҙыусылар форумын ҡаршылап... РАФАЭЛЬ АҘНАҒОЛОВТАН ӨЙРӘНЕГЕҘ

Әҙәби тәнҡит тураһында һүҙ сыҡһа, беҙ һәр ваҡыт ниңәлер иң тәүҙә әҫәрҙең кире яҡтарын һүрәтләгән мәҡәләне күҙ алдына килтерәбеҙ. Ысынында иһә, күпселек тәнҡит мәҡәләләре әҫәрҙең ыңғый яҡтарына, әһәмиәтенә, уның йәмғиәтебеҙҙең тормошона йоғонтоһона һәм башҡа күренештәргә арнала. Ыңғай тәнҡиткә лайыҡ әҫәрҙе ижад итергә лә кәрәк бит әле. Әлбиттә, бындай мәҡәлә яҙыусыны яңы ижадҡа дәртләндерһен, уның күҙен асһын, мөмкинлектәрен киңәйтһен ине. Мин бында, тәнҡит тигән булып, йөҙ йыртышыуҙы, битәрләшеүҙе, ҡараңғынан тороп тибешеүҙе күҙ уңында тотмайым. Тәнкитселәр бар ул беҙҙә. Мәҡәләләр ҙә, китаптар ҙа сыға. Ләкин тәнҡит үҙе юҡ.