Салауат әйтеү сауаплы

Был йәһәттән ун иң яратҡан  бәндәһе – Мөхәммәт пәйғәмбәр. Беҙҙе хаҡ юлға күндерер өсөн Хоҙай Тәғәлә Үҙ рәсүлен ебәргән. Кем Пәйғәмбәребеҙгә (саллАллаһу ғаләйһи вә сәлләм) бер тапҡыр ғына булһа ла Аллаһтан ярҙам һорап доға әйтһә, ул кешегә Хоҙай бынан ун тапҡырға күберәк бәрәкәтен ебәрер, уның ун яман ғәмәле юйылыр һәм ул үҙенең дәрәжәләрендә ун баҫҡысҡа юғарыраҡҡа күтәрелер.

Биш минут эсендә Пәйғәмбәребеҙгә йөҙ тапҡыр салауат һәм сәләм һәм әйтергә мөмкин: "Аллааһүммә салли үә сәллим гала нәбиййикә Мөхәммәд". "Аллаһым, Пәйғәмбәребеҙ Мөхәммәткә яҡшы теләк сәләмдәр булһын". Аллаһ рәсүле: "Кем миңә бер генә тапҡыр салауат әйтә, шуға Аллаһ ун тапҡыр салауат төшөрөр", – тигән (Мөслим һәм Әхмәттең хәҙис йыйынтыҡтарынан). Йәғни, Аллаһ ундай кешегә шәфҡәт күрһәтер һәм уның әжерен арттырыр. Тимәк, биш минут эсендә мөьмин мосолман уның бер мең салауатына ирешә ала.

Фото: islam.ru