“ҺӘНӘК”тең киләсәге үҫә!

Шулай уҡ ойоштороусыларға журнал уҡыусы яңы быуын һәм авторҙар тәрбиәләүҙәре өсөн рәхмәт әйтәбеҙ. Киләсәктә һеҙҙе «Һәнәк» биттәрендә осҡонло шаяртыуҙар һәм күңелле ваҡиғалар авторы булараҡ күрербеҙ тип ышанабыҙ.

- Быйыл был «Шаян-лига»ның өсөнсө миҙгеле, унда бөтә республиканан 18 йәшкәсә мәғариф учреждениелары уҡыусылары уйнай ала. 2025 йылда тәүге тапҡыр Мәғариф министрлығы менән берлектә техникумдар һәм колледждар араһында ғына башҡорт телендә юмор фестивален уҙғарырға йыйынабыҙ. Ғөмүмән, башҡорт телен уйын формаһында популярлаштырыу йәштәр араһында яҡлау таба, - тип билдәләне республиканың «Башҡорт асыҡ КВН лигаһы» төбәк йәмәғәт ойошмаһы идараһы рәйесе Урал Кәримов.

Урал аръяғы шаян-лигаһы Сибай  фестивалендә старт алды. Уйында мәктәп һәм колледждарҙан 7 команда ҡатнашты. Ишембай районының Кинйәбулат ауылында «Көньяҡ шаян-лига» фестивале уҙҙы, унда 13 команда ҡатнашты. Мәсәғүттә «Төньяҡ-көнсығыш шаян-лига»нан 6 команда уйнаны. Зона этаптары Нефтекамала «Төньяҡ-көнбайыш лигаһы» фестивале менән тамамлана.

Сара 11 декабрҙә ойошторола һәм Башҡорт теле көнөнә арнала.

Һеҙҙән ҡыҙыҡлы сығыштар көтәбеҙ һәм ҡатнашыусыларҙың барыһына ла уңыштар теләйбеҙ!

https://www.bashinform.ru/news/culture/2024-12-05/startoval-tretiy-zonalnyy-sezon-bashkirskoy-otkrytoy-ligi-kvn-4039097