+28 °С
Болотло
Дөйөм мәҡәләләр
8 Октябрь 2025, 10:05
#аҡыл
Урманда аҙашҡан малай ҡапыл бер бабайҙы күреп ҡалып, янына ашыҡҡан. - Юлды таба алмайым, - тип илап ебәргән ул. – Ҡурҡам, асыҡтым. Ярҙам итегеҙ миңә. Бабай бер һүҙ ҙә өндәшмәй юлын дауам иткән. Малай уның артынан илай-илай йүгергән: “Ашарыма бирегеҙ, асыҡтым”... Ҡарт иһә ярҙам урынына үҙе еләк-емеш өҙөп ашай башлаған.
#аҡыл
Илап арыған малай ҙа бер аҙҙан бабайҙан күрмәксе ризыҡланырға тотонған. Икәүләп емеш-еләк йыйып, балыҡ тотоп, көр кәйеф менән ауылға илткән юлға килеп сыҡҡандар.
*Ислам ҡушыуынса, баланы бәләкәйҙән үҙ көсөнә таянырға, кешегә һалышмаҫҡа, һөнәргә өйрәтеп үҫтерергә кәрәк.
*Халҡыбыҙҙың “Үҙең тапҡан мал булмаһа, атайҙыҡы йәл түгел”, “Ярҙам итәм тиһәң, кешегә балыҡ түгел, ҡармаҡ бир” кеүек әйтемдәре – ҙур һабаҡ.
*Бала ҡаҙанышҡа үҙ көсө менән өлгәшмәй икән, яуланғандың ҡәҙерен белмәйәсәк.
