-17 °С
Болотло
Бөтә яңылыҡтар
Дөйөм мәҡәләләр
19 Февраль , 14:15
Муса Йәлилдең ҡыҙы Люция: "Атайға оҡшағанмын" .
Герой-шағир Муса Йәлилдең ҡыҙы Люция Йәлилова атаһының тыуған көнө алдынан Санкт-Петербургтан Ҡазанға килгән. Люция ханымға быйыл май айында 90 йәш тула икән. Татарстанда үткән матбуғат конференцияһында ул былай тип һөйләгән: “Тәүҙә мин атайымдың кем икәнен дә белмәнем, үгәй атайымды «атай» тип йөрөнөм. 11 йәшемдә миңә бер кеше: «Муса Йәлил – һинең атайың», – тип һөйләне. Был хаҡта әсәйҙән һораным, ул миңә уның хаттарын, шиғырҙарын уҡыны. Өйҙә башҡа балалар ишетмәһен тип, уның тураһында әсәй бышылдап ҡына һөйләшә инек. Әсәйем радиола эшләне, шуға күрә бәләкәйҙән күп артистар, йырсылар менән осрашырға тура килде.. Шул ваҡытта уҡ миңә "бәләкәй Муса", – тип әйтәләр ине.
Муса Йәлилдең ҡыҙы Люция: "Атайға оҡшағанмын" .
Атайымдың Герой икәнлеге тураһында миңә Гөлшат Зәйнәшева әйткәйне. «Люция, һинең атайың хыянатсы түгел, ул – Герой», – тип һөйләне илай-илай. Мин Герой ҡыҙы булдым, шул ваҡыттан тормошом ауыр булды. Эшемә аяҡ салыусылар булды. Ауыр йәшәнем. Ҡазанда оҙаҡ йылдар уҡыттым, һуңынан Санкт-Петербургка күсендем, унда йәшәүе тыныс булды, сөнки бер кем дә белмәй.
Олоғайған һайын ҡәҙерле кешемә нығыраҡ оҡшаған һымаҡмын. 1957 йылда мин осраҡлы ғына Андре Тиммерманс менән осраштым. «Һин килеп кергәс, атайың менән оҡшашлыҡҡа шаҡҡаттым», – тип хат яҙған ине һуңынан. Йөҙ менән оҡшаш булыу бер хәл, күңелдән булған хистәр менән дә уға оҡшағанмын тип уйлайым. Мин музыка, кино, театрҙы, китаптар уҡырға яратам.
Сығанаҡ: интертат.
Новости партнеров