+15 °С
Облачно
Дөйөм мәҡәләләр
12 Мая , 08:20
Мөхәббәт тарихы
Бар ине студент саҡтар... Беҙҙе лә студент ҡаласығы таныштырҙы. Дискотека ваҡытында мин бейек ерҙән яҙа баҫып ҡолап китер мәлдә тоторға өлгөрөп, ҡосағына тартып алған һәм шул секундта ҡараштарыбыҙ осрашып бер-беребеҙгә ғашиҡ булған Арыҫлан – минең ғүмерлек мөхәббәтем. Ул – ҡала егете ине, мин – икенсе райондан уҡырға килгән ҡыҙмын. Каникулдарҙа ул күрше ауылға өләсәләренә килә: осрашабыҙ, талашабыҙ, ярашабыҙ... осрашабыҙ, талашабыҙ, ярашабыҙ...
Мөхәббәт тарихы
Уҡып бөтөп ҡулға диплом алғас, городҡа* эшкә төштөм. Аҙна һайын ялға атай-әсәй эргәһенә ҡайтырға ашҡынам, ял көндәрен еткерә алмай аҙапланам. Унда минең ярҙам кәрәк булған ауылдың бөтмәҫ-төкәнмәҫ эштәре көтә. Күңелемде ашҡындырып торған икенсе сәбәп бар – унда мине хат көтә. Һөйгәнемдән һалдат хаты көтә... Арыҫланды бит мин армияға оҙатып ҡалдым. Шул тиклем мин уны яратам! Ул да мине ярата!.. Хат аша ла талашып өлгөрәбеҙ, шул талашыуҙа ла мин яратыу күрәм...
Күктең етенсе ҡатында булған, мәңгелеккә бергә булырға һүҙ ҡуйышҡан бәхетле мәлдәрҙе уйлай-уйлай, йылмая-көлә ауылға ҡайтып етеп киләм. Йөрәгем дөпөлдәп тибә, әйтерһең хәҙер һөйгәнем менән осрашам. Ашығып өй ишеген асып инәм һәм борсолоуҙарын йәшерә алмаған әсәйемдәрҙең йөҙөн күреп һағая төшәм. Телеграмманы ҡулға алам һәм иҫемде юям – ул үлгән...
Зөлфирә Ҡарағужина.
ru/wall-225661799_1980