Курс эшең ҡайҙа?

– Доктор, мин аяғымды ике ерҙән һындырҙым.
– Ул ерҙәрҙе хәтереңдә ҡалдырҙыңмы?
– Әлбиттә.
– Башҡаса ул ергә барма, йәме, – тигән доктор ҡыуанып.
***
Уҡытыусы:
– Курс эшең ҡайҙа?
Студент:
– Бер егет менән һу­ғыш­ҡанда юғалттым. Ул һеҙҙең хаҡта, универ­ситеттың иң яҡшы уҡы­тыу­сыһы түгел, тине.
***
Ҡыҙ.
– Сәсемде һарыға бу­ярға теләгәйнем, сал төҫ килеп сыҡты.
Егет.
– Бына һиңә кәрәк булһа, минең һөйгәнем ҡарсыҡҡа әйләнгән.
Ҡыҙ.
– Мыҫҡыл итһәң, һинән китәм.
Егет.
– Ҡайҙа? Ҡарттар йортонамы?
***
Һауа торошоноң көтмә­гәндә үҙгәреүе кешеләр­гә ҙур файҙа килтерә, юҡһа, улар һүҙҙе ниҙән башларға белмәҫ ине.
***
Ике блондинка туҡта­лышта тора.
– Һиңә ҡайһы автобус­ҡа?
– 5-се, ә һиңә?
– 8-се.
58-се автобус килә. Икеһе бергә:
– Ура! Беҙ бергә китәбеҙ!
***
“Мин обезьянникта, аҡ­са менән килеп ҡот­ҡар! Тәлғәт” тигән смс алғас, Тәлиғә уны зоопарктан бик оҙаҡ эҙләһә лә таба алмаған.
***
Маршруткала. Пассажир:
– Анау ҡыҙыл машина янында туҡтағыҙ әле.
Шофер:
– Ҡыҙыл машина ҡуҙ­ға­лып китте, артынан ҡыуырғамы?
***
– Баш өсөн берәй нәмә бир әле.
– Ауыртыуҙанмы әллә иҫәрлектәнме?