Печенье ашатабыҙ

– Бына, Сәлимә ҡыҙым, былар бор-о-о-н заманда йәшәгән.

– Өләсәй, ә һин бәләкәй саҡта уларҙан ҡурҡып урамға ла сыға алмай ултырғанһыңдыр әле, ивет?

                ***

Әсәһе улын янына ултыртҡан да былай тигән:

– “Бишле” билдәһе генә ал. Өс “бишле” алһаң, бер шоколад алып бирәм.

Малай “икеле” билдәһе алып ҡайтып ингән. Әсәһе, әлбиттә, шунда уҡ уҡыуы менән ҡыҙыҡһынған.

– Йә, улым, “бишле” алдыңмы?

– Әсәй, һинең аҡсаң әрәм булмаһын тип, “икеле” алдым, – тип яуаплаған улы.

***

Баш табип менән шәфҡәт туташы һөйләшә икән.

– Коронавирусҡа шиге булған пациент менән хәлдәр нисек?

– Былай насар түгел, айырым палатаға һалып ҡуйҙыҡ, махсус диета тәғәйенләнек.

– Ниндәй диета ул тағы?

– Печенье ашатабыҙ.

– Ни өсөн печенье?!

– Һуң, ишек аҫтындағы ярыҡҡа печеньенан башҡа бер нәмә лә һыймай бит!

***

Ике һунар эте һөйләшә.

– Кисә хужам менән урманда китеп бара инек, ҡаршыбыҙға ҙ-у-у-у-р айыу килеп сыҡты.

– Бер атҡанда тейҙергәндер хужаң.

– Эй, патрондарын онотоп ҡалдырған.

– Артабан нимә булды?

– Уның өҫтөнә ташландым да яман итеп өрөргә тотондом.

– Ә һин ҡыйыу!

– Юҡ, хужамдың ҡосағына һикерҙем, әйҙә, тайҙыҡ бынан тип ялбарҙым.

***

– Өләсәй, мин һине бөгөн үлемдән ҡотҡарҙым, вәт! – ти икән ейәне, йөрәген тотоп уфтанып ултырған өләсәһенә.

– Нисек итеп, балаҡайым? – тип һораған әбей.

– Табип килгәйне иртән, ишекте асманым да ҡуйҙым!..

***

– Өләсәй!

– Әү, балаҡайым...

– Өләсәй, ә ҡан тәмлеме ул?

– Ҡайҙан беләйем. Ниңәə ундай һорау бирәһең ул?

– Атайым, шул өләсәйең вис ҡанды эсеп бөттө, ти.

– Атаң башһыҙ бит ул.

– Точно, вис башымды кимерҙе өләсәйең, тип тә әйткәйне шул...