Пенсиәм әҙ булғанлыҡтан

– Ирем кассала эшләгәс, «аҡса» һүҙе сыҡһа, ҡулын алға һуҙып тик тора, – ти икән бер ҡатын.
– Ә минең ир ҡатындар ара­һында эшләгәс, гел улар тура­һында һөйләп тик ултыра, – тип әйтә, ти, икенсеһе.
***
Тормошобоҙ йылдан-йыл ҡатмарлаша барҙы. Кеҫә телефоны сыҡҡас уның менән эш итә алмайынса этләнеп бөткәйнек. Унан һуң компьютеры менән баш әйләнде. Ул ғына артта ҡалғайны, мага­зиндарға аш-һыу килеп тул­ғас, колбасаға күпме ит ҡу­шылғанын, пакеттағы һөт­төң сифатын, икмәктә күпме он барлығын йәки юҡлығын һәм башҡа туҡланыу аҙыҡ­тары­ның сифатын белә алмайынса баш ҡатты.
***
Өләсәйҙәр, егет кешегә етмеш төрлө һөнәр ҙә аҙ, тигәс, һөнәр артынан һөнәр үҙләш­тереп йәйәү йөрөнөк. Ә хәҙер егеттәрҙә бер һөнәр: компьютер алдына ултырып эшләй­ҙәр ҙә, иномаркаға ултырып, өйҙәренә ҡайталар.
***
Күршем: «Пенсиәм әҙ бул­ғанлыҡтан, депутаттарға, уны ошо уҡ күләмдә айына ике мәртәбә түләй алмаҫһығыҙмы икән, тигән мөрәжәғәт менән сыҡтым», – тине.
«Торғонлоҡ һәм көрсөк йылдарынан һуң ил тото­роҡлолоғона ҡарағанда, пен­сиәгеҙҙе айына бер тапҡыр түләгәнгә лә шөкөр итеп кенә йәшәгеҙ», – тигән яуап алған.
***
Санкция илде бөгә алмаһа ла, ябай халыҡтың билен бө­­гә бирҙе. Әтеү эйелеп иҙән дә һепермәй башлағайнылар. Әммә алданыраҡ бөгөлгәндәр турая башланы.
***
Ҡырҡ йыл буйы аслы-туҡ­лы йәшәп алған «Жигу­ли»йын «өф-өф» итеп тотҡан Ғиз­зәтулла бабай сепрәк ме­нән уны һөрткөләп сыҡ­ҡас, ма­лайының йортта тор­ған, үҙе­нең иҫке өйөнән әҙ генә тү­бәнерәк ҡара маши­наһына ҡарап торҙо ла: «Бынау ҙа булдымы машина!» – тип ҡуйҙы.

Фәрит ӘХМӘТОВ.