Кем дежур?

– Һалдат, һин ни өсөн аш­ханаға пулемет менән йө­рөй­һөң?
– Иптәш капитан, минең тағы ла компотһыҙ тороп ҡал­ғым килмәй.
***
Вундеркинд малай 13 йә­шендә – мәктәпте, 16-ла – университетты, 17-лә аспирантураны тамамлаған, ә һуңынан 10 йыл буйы урманда әрменән ҡасып йөрөгән.
***
V класс дәреслегенән билдә­ле булыуынса, емеш ағастарын зарарланмаһын өсөн сәскә атҡанда эзбиз менән буяйҙар. Аңлатығыҙ әле, әрмелә яҙ көнө ҡайындарҙы, ағас һәм тимер бағаналарҙы ни өсөн аҡҡа буяйҙар? Ниндәй уңышҡа иҫәп тоталар?
***
Мин әрмелә хеҙмәт иткән арала яратҡан ҡыҙым машина йөрөтөргә танытма алған, ябыҡҡан, аҡсалы эш тапҡан. Ә мин карауатты матур итеп йыйыштырырға өйрәндем.
***
Әрме – айырыуса ирекле эш: теләһәң – бар, теләмәһәң – көсләп алып китәләр.
***
Төҙөлөш батальоны һалдаты тәмәке тар­тырға туҡтаған. Тә­мәке алып ауыҙына ҡапҡас, ҡаптағы яҙыуҙы уҡый: "Һау­лыҡ һаҡлау ми­нистрлығы иҫкәртә: тартыу һеҙҙең сәлә­мәтлеккә зарарлы". Төтөн һур­ғас:
– Ҡара һин уларҙы, кө­рәктәргә былай тип яҙмайҙар бит!
***
Ашханала.
– Кем дежур?
– Мин, иптәш полковник!
– Ни өсөн ашҡа лавр япрағы һалмайһығыҙ?
– Ашамайҙар, иптәш полковник!
***
Полковник көләмәс һөйләй. Бер лейтенанттан тыш, бөтә офицерҙар ҙа көлә.
– Ә һеҙ, лейтенант, ниңә көлмәйһегеҙ?
– Иптәш полковник, мин һеҙҙең частан түгел.
***
Генерал плацты тикшереп йөрөгәндә тәмәке төпсөгө кү­реп ҡала.
– Кемдеке?
– Бер кемдеке лә түгел, ип­тәш генерал, тарта алаһы­ғыҙ.
***
Йәмһеҙ ҡыҙҙарҙың булмауына яртынан һуң түгел, ә казармала бер ай йәшәгәндән һуң инанаһың.