Кем һуңғы?

– Сиртһәң, ҡаның сығырға тора, ә үҙең хәйер һорай­һың. Эшләп ҡараманыңмы?
– Мин эштән һуң бит…
***
– Рәсәйҙә урлашмаусы чиновниктар бармы?
– Әлбиттә, бар, улар төр­мәлә ултыра.
***
Юғары белем – эшһеҙҙәр армияһын тулыландырыу өсөн биш йыл буйы диплом­ға сиратта тороу ул.
***
Закон бөтәһе өсөн дә бер, тик статьялар ғына төрлөсә.
***
Тәмәжниктәр, алкаштар, автомобилселәр – иң бай кешеләр. Хаҡтарҙы күпме генә күтәрмә, улар барыбер көйрәтә, эсә һәм машина­ларҙа елдерә.
***
Халыҡ зарланһа ла донъя барыбер яҡшы яҡҡа үҙгәрә. Хәҙер кешеләр магазинға ингәндә һаулыҡ һораша, ә мин бәләкәй саҡта “Кем һуңғы?” тип белешәләр ине.
***
– Һин шыр наҙан!
– Мин? Белгең килһә, минең өс белемем бар!
– Йә, ярай… Ниндәйҙәр?
– Мәктәпкәсә, башланғыс, тамамланмаған урта!
***
– Һеҙ был дарыуҙарҙы ғүмерегеҙҙең аҙағына тиклем ҡабул итергә тейеш­һегеҙ.
– Доктор, бында, ике ай ҡабул итергә, тип яҙылған бит.
– Ә мин ни тинем?..
***
Британия ғалимдары сыс­ҡандарҙы ҡартайыуҙан һаҡ­лаусы дарыу уйлап табып, бик уңышлы һынаған: бер генә сысҡан да ҡартайғансы йәшәй алмаған. Дарыу ме­нән Рәсәй Пенсия фонды хеҙ­мәткәрҙәре үтә ныҡ ҡы­ҙыҡһынған.
***
Достоевский Раскольников йөҙөндә элек микрозаем ойошмалары менән нисек эш итеүҙәрен күрһәткән.
***
Йондоҙнамәләр уҡырға яратам. Был минең кеҫә тулы аҡсам, төрлө илдәргә сәйәхәт иткән һәм идеал мө­нәсәбәттәр булған берҙән-бер урын.
***
– 300 грамм сыр үлсәгеҙ әле.
– 500 һум.
– Ни өсөн ҡиммәт?
– Буш сыр сысҡан тот­ҡоста ғына була.
– Улайһа, сырҙы сысҡан тотҡосҡа төрөп бирегеҙ.
***
Йыш ҡына эштә минең арттан әсәйем йәки тәр­биәсе килеп, Ғәли, һине алырға килгәндәр, тип әйт­һен ине, тип хыялланам. Ә мин коллегаларыма телем­де күрһәтеп, әсәйемде етәк­ләп, һикерәңләй-һике­рәң­ләй ҡайтып китер инем.
***
Бер ир яр буйлап “Ҡәбә­хәт!” тип ҡысҡыра-ҡысҡыра йүгерә.
– Һин ниңә ҡысҡыраһың? – тип һорай балыҡсылар.
– Алтын балыҡ тотҡас, мин унан ҡыҙыл “Феррари” һо­раным. Машина ана тора, ба­лыҡты ебәрҙем, ә документтар араһынан 700 мең долларға килешеү таптым!
***
Ата-бабаларыбыҙ фа­шизм­­ға ҡаршы коррупцияға ҡаршы көрәшкән кеүек кө­рәшһә, Бөйөк Ватан һуғышы әле лә дауам итер ине.