Ҡайыш һатып алдыҡ

***

– Ғәли, һинең профессиональ байрамың ҡасан?
– 8 августа – Офтальмологтар көнө, 13 августа – Төҙөүселәр көнө.
– Кем булып эшләйһең?
– Ишектәргә күҙ һалам.
***
Шашлыҡта.
– Мин сусҡа ите ашамайым, ә һыйыр итен ашайым.
– Бер литр араҡынан һуң теләһә ниндәй сусҡа ите һыйырҙыҡына әйләнә.
***
Балаға исем һайлағанда иң ҡыҙығы шунда: баҡтиһәң, донъяла һин күрә алмаған кешеләр күп икән.
***
– Әсәй! Әсә-ә-әй!
– Ни булды?
– Мине өйгә ҡыуып ҡайтар, аяғымды еүешлә­нем!
– Үҙең дә ҡайтыр инең әле, шуның өсөн ҡысҡыра­лар­ҙыр шул.
– Үҙем урамда йө­рөп туйманым әле.
***
Самолеттарҙың хә­үеф­һеҙ осоуы – уй­ҙырма ул. Ҡасан да булһа ҡарт стюардес­саларҙы күргәнегеҙ бармы?
***
– Тормошта мәң­ге­лек бер нәмә лә юҡ.
– Дөрөҫ түгел. Бына, мәҫәлән, һин тыуҙың, шунан балалар баҡсаһы, шунан мәктәп, шунан университет бөтөр­ҙөң, эшләй башла­ның, шу­нан өйлән­дең һәм бала­ларың менән урам­да йө­рөргә сы­ға­һың, ә подъезд төбөндә шул уҡ әбейҙәр…
***
Ял итергә теләйем. Йәшел үләнгә ятып, ҡояшҡа ҡарар­ға… Шашлыҡ ашарға са­ҡырғансы, оҙаҡ итеп ятырға ла ятырға…
***
“Хоҙайға тапшырып баш­лайбыҙ!” – тип әйтә торғай­ны беҙҙең фәнни атеизм уҡытыусыһы университетта.
***
– Осрашып йөрөгән ҡыҙы­ма тәҡдим яһарға ҡурҡам.
– Баш тартыр тиһеңме ни?
– Юҡ, ризалашыр, тип ҡурҡам.
***
– Иҫәүән!
– Кешегә иҫәүән тип әй­тергә ярамай.
– Кешегә ярамай, ә иҫә­үән­гә ярай.
***
– Әсәкәйем, мин үҫкәс, ирем булырмы?
– Әгәр аҡыллы һәм һәйбәт булып үҫһәң, булыр.
– Ә насар һәм иҫәр булып үҫһәм?
– Ул саҡта ирҙәрең бер нисә булыр.
***
Йәш ҡатын подъезд янында коляскала имсәк балаһы тирбәтә. Эргәһенән үтеп барған танышы бәпесте иғ­тибар менән ҡарағас:
– Бына һиңә кәрәк булһа! Иреңә ике тамсы һыу кеүек оҡшаған! – ти.
Ҡатын (уйсан ғына):
– Өсөнсө ҡаттағы күршем ҡа­рап тороуымды үтенгәй­не…
***
Коллегаларыма, минең иге­ҙәк һыңарым бар, тинем. Урамда осрап, һаулыҡ һо­рашмаһам, мин тип уйла­маһындар өсөн.
***
– Балағыҙҙы мәктәпкә әҙерләнегеҙме әле?
– Эйе, көндәлек, ҡайыш һатып алдыҡ.
***
Мәктәп уҡыусылары институтта яҡшы тип уйлай, ләкин студенттар ғына балалар баҡсаһында тағы ла яҡшыраҡ икәнен белә.
***
– Һин ҡырыныу менән йыш шөғөлләнәһеңме?
– Көнөнә 15 – 20 тапҡыр.
– Аҡылдан яҙҙыңмы әллә?
– Юҡ, мин парикмахер.
***
– Мине бала саҡтан, әгәр паспортыңды юғалтһаң, һи­нең исемгә кредит алалар, өйләндерәләр һәм ҡоллоҡ­ҡа һаталар, тип ҡурҡытты­лар.
– Минең менән тап шулай булды, тик мин паспортымды юғалтманым.
***
Минең ҡайным бөтә ҡала­ны белә, бөтә ҡала уны бе­лә. Ул элек айнытҡыс начальнигы булып эшләгән.