Караптарығыҙ юҡмы әллә?

Түләүле поликлиниканың элекке табибы военкоматҡа эшкә урынлашҡан. Бер аҙнанан ҡыуғандар, сөнки бөтә призывниктар ҙа ауыр сирлегә әйлән­гән, уларҙы тиҙ арала ҡим­мәтле дарыуҙар менән дауа­ларға кәрәк.
***
Бер егет военкоматҡа килеп:
– Флотта хеҙмәт итергә телә­йем, – тигән.
– Ә һин йөҙә беләһеңме һуң?
– Караптарығыҙ юҡмы әллә?
***
Минең фамилиям ҡатлы-ҡатлы, гел хаталы яҙалар. Өйө­бөҙгә погонлы ағайҙар повестка килтерҙе. Фамилияма ҡара­ным – хата! Студент билетын сығарып күрһәттем: хаталан­ғанһығыҙ. Ағайҙар сырайын һытып сығып китте. Өс сәғәт үтер-үтмәҫтән тағы килделәр. Яңы повестка менән. Уныһы ла хаталы. Зачеткамды күрһәттем. Тегеләр пыр туҙып һүгенде. Ҡотолдом, былай булғас. Юҡ шул, погондар тағы ишек шаҡыны. Был юлы участковый һәм дөрөҫ фамилия менән. Оҙаҡ көлдөм. Шунда ғына уларға минең институтта уҡыуым барып етте.
***
Профессор:
– Һеҙгә бер нәмә лә ҡыҙыҡ түгел, уҡығығыҙ килмәй икән, ниңә беҙгә килдегеҙ?
– Военкоматтағы прапор: «Һеҙгә бер нәмә лә ҡыҙыҡ түгел, бер нәмәгә лә өйрән­гегеҙ килмәй икән, универ­ситетҡа тәпәйләгеҙ!» – тине.
***
Үлем – иң яҡшыларҙы, военкомат барыһын да рәттән ала.
***
– Ғәйепләнеүсе, аңлатығыҙ әле, ни өсөн һеҙ, ҡарап тороуға һәйбәт кенә кешеһегеҙ, абруйлы вузды тамамлағанһығыҙ, почтальонды, хөрмәтле кешене, туҡманығыҙ?
– Ә һеҙ минең урында ни эшләр инегеҙ? Ошо хөрмәтле кеше миңә килде лә: “Заказлы хат алып килдем. Бейемәйенсә тороп, бирмәйәсәкмен”, – тине.
– Шунан?
– Бейенем... Ә ул военкоматтан повестка булып сыҡты.

Фото: smartik.ru