Яҡшы һәм насар

– Миндә һинең өсөн ике хә­бәр бар: береһе – яҡшы, икен­сеһе – насар, ҡайһыһынан баш­ларға?
– Яҡшыһынан.
– Яҡшы хәбәр – насар хәбәр юҡ.
– Насары?
– Яҡшы хәбәр ҙә юҡ...
***

Адвокат яҡлаусыһы менән осраша.
– Миндә һинең өсөн ике хәбәр бар: береһе – яҡшы, икенсеһе – насар, башта ҡайһыһын ишет­кең килә?
– Насарын.
– Зыян күреүселәге ҡан анализы уның һинеке булыуын күрһәтте.
– Ә яҡшыһы?
– Ҡандың бөтә күрһәткестәре – гемоглобин, холестерин, шәкәр нормала!
***
– Атай, миндә һиңә ике хәбәр бар: береһе – һәйбәт, икенсеһе – насар.
– Насарынан башлайбыҙ.
– Мин һинең машинаңды бәрҙерҙем.
– Ә яҡшыһы?
– Мин ҡабат улай эшләмә­йәсәкмен.
***
Окулист – пациентҡа:
– Миндә һеҙгә ике хәбәр бар: һәйбәт һәм насар. Ҡайһыһынан башларға?
– Яҡшыһынан, әлбиттә, доктор.
– Һеҙ тиҙҙән күҙлекһеҙ уҡый аласаҡһығыҙ?
– Доктор, был бит мөғжизә! Мин күҙлек менән дә саҡ-саҡ уҡыйым. Күҙлекһеҙ нисек уҡырмын икән һуң?
– Бармаҡтарығыҙ менән, күгәрсенкәйем, бармаҡтарығыҙ менән!
***
– Һиңә ике яңылыҡ әйтергә ине: яҡшы һәм насар.
– Башта яҡшыһын әйт.
– Беҙгә ике ҡыҙ килә.
– Ә насары?
– Ҡыҙҙарҙың икеһе лә насар.