– Ғаләмдә аҡыллы тормош бармы?
– Бар!
– Улайһа, ни өсөн беҙҙең менән бәйләнешкә инмәйҙәр?
– Аҡыллы булғандары өсөн...
***
АҠШ-тың Марсҡа ебәргән аппараты платформанан төшкәс, тәгәрмәсен шешә ватығында тишә.
– Был Марста аҡыллы тормош барлығы тураһында һөйләй.
– Юҡ, был беҙҙең тағы ла һуңға ҡалыуыбыҙ тураһында һөйләй. Унда урыҫтар булырға өлгөргән дә инде.
***
Бер ир таныштарына килә, ишекте малай аса.
– Атайың өйҙәме?
– Юҡ.
– Ҡасан ҡайта?
– 5 сәғәт, 17 минут, 35 секундтан һуң.
– Бындай аныҡлыҡ ҡайҙан?
– Атайым – космонавт, ул өйрәтте.
– Ә әсәйең өйҙәме?
– Юҡ.
– Ҡасан ҡайта?
– Ой, белмәйем! Ул парикмахерскийға киткәйне.
***
– Әсәй, уйланым: мин барыбер космонавт буласаҡмын! Үҫкәс өйләнәсәкмен бит инде, ә ҡатыным гел эш ҡушасаҡ: балаҫтарҙың саңын һурҙыр, өйҙө йыйыштыр, сүп биҙрәһен сығарып түк, магазинға барып кил, һауыт-һабаны йыуып ҡуй... Ә мин бер ни ҙә эшләй алмайым, сөнки Йыһандамын!
***
Америка космонавтары Айҙа йөрөп ята. Оҙаҡламай Ергә әйләнеп ҡайталар.
– Йә, нимәләр күрә алдығыҙ? – тип һорайҙар.
– Айҙа ике әҙәми зат осраны. Ер кешеһенә ныҡ оҡшағандар. Йөҙҙәрен һаҡал-мыйыҡ баҫҡан, минут һайын тәмәке һорап йөҙәтәләр.
– Аңланыҡ. Рәсәй бомждары Айға һеҙҙән саҡ ҡына алдараҡ барып төшкән икән.