Көлгәнгә – көлкө

Төрмәләге һөйләшеү:
– Һин нимә өсөн ултыраһың?
– Тымаулаған өсөн.
– Булмаҫ, ундай закон юҡ.
– Бер сейфты асып булаш­ҡанда, яңылыш сөскөрөп, ҡа­рауылсыны уяттым.
***
– Бисәң менән Төркиәлә ял итеп ҡайтыуығыҙ күпмегә төштө?
– 450 меңгә.
– Ай-һай, бик затлы курорт­та ял иткәнһегеҙҙер инде, улай­һа.
– Юҡ. Беҙ отпускыла саҡта өйҙәге бөтә мөлкәтте урлап сыҡ­ҡандар.
***
Ике ҡорҙаш осраша:
– Шунан, хәлдәр нисек?
– Ресторандан сыҡҡан юҡ!
– Әллә лотереяға аҡса от­тоңмо?
– Ашарға пенсия етмәгәс, швей­цар булып эшләйем.
***
Ике ир бесән саба икән.
– Һин бесәнде үҙеңә саба­һыңмы?
– Аллаға шөкөр, ошо йәше­мә етеп, бесән көйшәр хәлгә төшкәнем юҡ. Һыйырыма сабам.
***
Табип ауырыуға:
– Йә, нисек, мин биргән да­рыуҙы эсә башлағас, хәте­регеҙ яҡ­шыр­ҙымы?
– Ғәфү ите­геҙ, ә һеҙ кем бу­­лаһығыҙ әле?
***
– Ниңәлер кисә ҡаты­ны­ңа бик яман ҡыс­ҡырҙың, күрше...
– Эйе шул, өйҙәге аҡсаны нимә­ләргә туҙҙырғанын белгем килгәйне.
– Ә иртән һеҙҙә ниндәй талаш булды?
– Бөгөн нәмәләр һатып ал­ғанын әйтте.
***
Төн уртаһында бер ир өйөнә ҡайтып инә.
– Ышанаһыңмы, Кәримә, яңылыш ике смена эшлә­гән­мен. Эш сәғәте бөткәс, бер кем дә уятмаған – өҫтәл артында йоҡлап ҡалғанмын...
***
Ҡайһы илдә ял итеп, ниндәй сувенир алып ҡайтһағыҙ ҙа, шуны белегеҙ – был әйберҙәр бөт­әһе лә Ҡытайҙа эшләнгән.
***
Бер ир командировканан ҡай­тып инһә, ҡатыны йоҡо бүл­мәһендә ман­долина сиртеп ултыра икән.
– Нимә, илһам килдеме әл­лә?
– Эйе. Илһам, сыҡ шкаф­тан! Һи­нең бында икән­ле­геңде ирем белгән...
***
Ҡатын-ҡыҙҙар дөйөм ятағы. Вахтёр ҡатын:
– Егет, һеҙ кемгә килдегеҙ?
– Ә миңә барыбер. Мин ҡы­й­ыулыҡ өсөн ике йөҙ грамм “һуҡты­рып” килдем.

Х. АЛДАРОВ.