Эсмәйем, тип әйтәм… барыһы ла эсергә ҡыҫтай!
Диеталамын, тип әйтәм… барыһы ла ашарға ҡыҫтай!
Аҡсам юҡ, тип әйтәм… әллә шым әйтәм… әллә ишетергә теләмәйҙәр…
***
Ҡатын бер ҡулы менән иренең боғаҙынан тотҡан, икенсеһендә – уҡлау:
– Тағы ла бер һүҙеңде ишетһәм, мин – тол ҡатын!
***
– Һин тормошта кем?
– Йырсы.
– Шәп! Ә ҡайҙа йырлайһың?
– Хеҙмәтсе булып эшләгән бай йортта. Хужалар өйҙә булмағанда…
***
Бабай менән әбей йәшенмәк уйнарға яратҡан. Әбей иртән иртүк көмөшкәне йәшереп ҡуйған, әгәр бабай уны тапһа, кискә әбей йәшенгән.
***
– Ҡәһәр һуҡҡан ҡыш! Машиналарҙың йоҙағы туңа – асып булмай.
– Ә һин ҡайнар һыу менән.
– Һин иҫәрме әллә? Күҙ алдыңа килтер, мин ҡала буйлап машина урларға китеп барам, ҡулымда сәйнүк.
***
– Етте! Иртәгәнән тормошомдо ҡырҡа үҙгәртәм.
– Телевизорға ятып, диванды ҡарайһыңмы?
***
Уҡытыусылар зарланыша:
– Бөтөнләй эшләрлек түгел! Уҡытыусы директорҙан ҡурҡа. Директор – инспекторҙан. Инспектор – министрлыҡтан килгән тикшереүселәрҙән. Министр – ата-әсәләрҙән. Ата-әсәләр балаларҙан ҡурҡа. Балалар ғына бер кемдән дә ҡурҡмай.
***
Хрущевкалағы бер бүлмәле фатирҙа 1 ҡапсыҡ шытҡан картуф, ватыҡ диван, “Һәнәк” журналы төпләме, лампалы “Рекорд” телевизоры… Һиңә өләсәйең мираҫҡа нимә ҡалдырҙы?
***
Ит магазины янында ике ир һөйләшә:
– Әйҙә, кереп сығабыҙ!
– Юҡ, күрмәйһеңме ни, “Эт менән керергә ярамай” тип яҙылған.
***
Бөтә йондоҙҙар ҙа йырлай, бейей, фигуралы шыуа, бына хәҙер дельфиндар менән… “Көрәкле йондоҙҙар”, “Йондоҙҙар фермала”, “Йондоҙҙар баҫыуҙа” проекттары экрандарға ҡасан сығыр икән?
***
Әсә:
– Мин улыма 3 килограмм алма алырға ҡушҡайным. Үлсәнем. 2 килограмм ғына килеп сыҡты.
Һатыусы:
– Ә улыңды үлсәнеңме?
***
– Әптерәй, тиҙҙән мин килеп етәм, ашарға берәй нәмәң бармы?
– Сырлы бутерброд ашайһыңмы?
– Әлбиттә!
– Сыр менән икмәк һатып ал…
***
Иҫәр шофер – ҡиммәтле машиналарҙан, аҡыллыһы – текә номерлыларҙан, тәжрибәлеһе маршруткаларҙан ҡурҡа.
***
– Миңә алйырҙан алып бирегеҙ.
– Уны тәрбиәләргә: күҙәтергә, йыйыштырырға, даими ашатырға, һыуын алмаштырырға, уның менән уйнарға кәрәк.
– Минең алйырҙан булғым килә!
***
Бөгөн ата-әсәләр йыйылышына барҙым. Өйҙән сығып китер алдынан улымдың әйткән һүҙҙәре оҡшаны: “Әсәй, иң мөһиме һин унда бер кемгә лә ышанма!”
***
Яңы өйләнгән егет кәләшенә асыулана:
– Өйләнешкәнебеҙгә бер генә көн, һин минең менән талаша ла башланың!
– Мин был көндө ике йыл көттөм.