Ҡуянға ыңғай ҡылыҡһырлама биргәндәр: “Ашарға яраҡлы!”
***
Куртка кейҙерелгән эттәргә һәр ваҡыт ҙур ҡыҙыҡһыныу менән ҡарайым. Улар кеҫәләрендә нимә йөрөтә икән?
***
Ҡунаҡханала.
– Портье, мине иртәнге сәғәт биштә уятығыҙ әле.
– Яҡшы, тик миңә бишенсе яртыла шылтыратырға онотмағыҙ, йә йоҡлап ҡалырмын.
***
Таксиҙың артҡы ултырғысында интеллигент ҡиәфәтле ике ир һөйләшеп китеп бара.
– Ҡот осҡос! Улар араҡыны ла, коньякты ла бер рюмкаға ҡойҙо!
– Әйтмә лә! Иткә лә, балыҡҡа ла бер төрлө бысаҡ ҡуйҙылар!
Таксист тыңлаған-тыңлаған да түҙмәй һораған:
– Әфәнделәр, минең һеҙгә арҡам менән ултырыуым нисегерәк?
***
Йоҡоһоҙлоҡҡа ҡаршы көрәшеү тураһында китап кәңәш иттеләр. Уны таң атҡансы уҡыным.
***
– “Ҡәбәхәттәр” нисек яҙыла: бер “б” менәнме әллә ике “б” менәнме?
– Белмәйем, мин һәр ваҡыт “хөрмәтле әфәнделәр” тип яҙам.
***
100 һум аҡса биреп тор әле. Ун данала.
***
Бесәйемә Температура тип исем ҡуштым. Хәҙер берәй ергә саҡырһалар, барғым килмәһә, “Бара алмайым, температура менән ятам” тим.
***
Ә һин хәҙер балаларҙың ҡасышлы уйнағанда бер-береһенә кеҫә телефонынан шылтыратмаҫҡа алдан һөйләшеп ҡуйғандарын беләһеңме?
***
Ике әбей һөйләшеп ултыра.
– Ҡарайым, ҡарайым, һиндә тараҡандар күренмәй. Уларҙы ни эшләттең?
– Ҡытай ҡәләме һатып алдым.
– Шунан?
– Бер ни ҙә юҡ, һүрәт төшөрәләр.
***
Маҡтанмайым, әммә быйыл мин маҡсатыма өлгәштем һәм “Йыл маҡтансығы” конкурсында бүләк алдым.
***
– Һин нимә, мине иҫәр тип иҫәпләйһеңме әллә?
– Һеҙҙе, иҫәрҙәрҙе, ниңә иҫәпләргә? Бындай статистика бер кемгә лә кәрәкмәй.
***
– Ә һин ашарға әҙерләй беләһеңме? Бишбармаҡ, билмән шунда...
– Ә һин аҡса эшләй беләһеңме? Долларҙар, евро, һумдар шунда...
***
Кассирша:
– Беҙ паспорт һорағанда барыһы ла ҡыуана. Хатта ир-аттар ҙа. Ә беҙ паспортты улар балиғ булмағандарға оҡшаған өсөн һорамайбыҙ. Иҫәр түгелбеҙ ҙә баһа. Улар тикшереүселәргә оҡшаған өсөн таптырабыҙ.
***
Һауа торошо: “Иртәгә Яҡутстанда минус 55 градус көтөлә. Иртәнән һуңға минус 50 градусҡа тиклем йылыта”.