Прокурор:
– Гражданин, һеҙгә бөтөнләй бүтән кешегә әйләнеп, тормошоғоҙҙо яңынан башлап ҡарарға кәрәк.
– Шулай итеп ҡарағайным да ул, ялған документтар менән йәшәгән өсөн өс йылға ултыртып ҡуйҙылар бит.
***
Ике ялҡау һөйләшә:
– Һин сәғәтеңде йәйге ваҡытҡа күсерҙеңме?
– Юҡ.
– Нисек ваҡытты беләһең?
– Мин уны көҙ көнө лә күсермәгәйнем.
***
Судья:
– Иптәштәр, һеҙ был бәхәсте судҡа мөрәжәғәт итмәй генә хәл итә алыр инегеҙ бит...
– Хәл итер инек тә ул, милиция ҡыҫылып, эште боҙҙо.
***
Йәш ир арып эштән ҡайта ла, диванға ауа. Ҡатыны ризаһыҙлыҡ белдереп, уға мөрәжәғәт итә:
– Телевизорыңа текәлгәнсе, бер аҙ балалар менән уйнар инең...
– Ярай улайһа, килегеҙ, улдарым, “почётлы ҡарауыл” уйыны уйнайбыҙ: Мин мавзолейҙағы Ленин булам, ә һеҙ сиратлап поста торорһоғоҙ.
***
Офиста телефон шылтырай:
– Альбинаны телефонға саҡырығыҙ әле, зинһар.
– Ҡайһыһын саҡырайым? Беҙҙә алты Альбина эшләй бит..
– Улайһа, Миләүшәне саҡырығыҙ.