Унан, бынан, тегенән

Белорет районы урманында үткән йүгеректәр ярышында бер юлы ун спортсы шәхси рекорд ҡуйҙы. Был уңышты улар... айыу баҫтырыуы менән аңлатты.
***
Ҡыҙыҡ, кеше үҙ тормошондағы иң мөһим ваҡиғаларҙы шәрә килеш ҡаршылай: яланғас тыуа, тормош юлдашы менән туйынан һуң төн үткәрә, ипотекаға һуңғы иғәнәһен түләй...
***
Өй тулы балалар, ә шундай тынлыҡ! Йә, Хоҙай, нәмә генә булды икән?
***
Күршем кис һайын пианинола уйнай. Аптырағас, лайыҡлы яуап булһын тип, перфоратор һатып алдым.
***
Байденға яңы ярҙамсы алғандар. Президентҡа ун минут һайын кем икәнлеген һәм Аҡ йортта нишләп ултырыуын аңлатыу – уның төп бурысы.
***
– Баҡсағыҙ бигерәк шәп! Йәшелсәне ай календары буйынса ултыртаһығыҙмы?
– Ҡояштыҡы буйынса, ул сыҡҡас та баҡсаға керәм дә, байығансы бил бөгәм!
***
– Әрмән менән йәһүд яңыраҡ судлашҡайны, аҙағы нисек тамамланды?
– Судьяны ун йылға ултыртып ҡуйҙылар бит!