+28 °С
Болотло
Көләмәстәр
27 Март 2025, 11:15
Йылмайып һәм көлөп
Бер ир машинаһын урамда ҡалдыра, ә тәҙрәһенең эске яғына яҙыу йәбештереп ҡуя: “Бензины юҡ, моторы эшләмәй, радиатор аға, аккумулятор ултырған, бардачок буш”. Икенсе көндө иртән сыҡһа, машинаның “ аяҡтарын” һалдырып, яҙыу ҡалдырып киткәндәр: “Шулай булғас, ни бысағыма һиңә тәгәрмәстәр”. *** - Ҡәҙерлем, мине тағы ла бер үпһәң, ғүмерлеккә һинеке булырмын. - Аһ, иҫкәртеүең өсөн рәхмәт!..
Йылмайып һәм көлөп
Хеҙмәткәр начальнигы янына керә лә, һүҙ башлай.
- Мин һеҙҙә ун йыл эшләйем инде, тик быға тиклем бер тапҡыр ҙа эш хаҡымды арттырыу тураһында һорағаным юҡ ине...
- Шуға күрә ун йыл эшләнегеҙ ҙә! – тип яуаплай хужа.
***
Имтихан билеттарын таратып бөткәндән һуң уҡытыусы:
- Әҙерлек өсөн һеҙгә күпме ваҡыт кәрәк булыр?
- 30 минут.
- Яҡшы, 40 минуттан һуң көтмәгәндә килеп инермен.
***
- Һин кем менән һаулыҡ һораштың ул?
- Икенсе иремдең беренсе ҡатынының өсөнсө ире менән.
***
- Биш мең биреп тор әле.
- Миндә өс кенә мең бар.
- Улай ҙа ярай. Тағы ла ике меңен тейешле булырһың.
***
-Ирҙәр аҡыллыраҡмы, әллә ҡатын-ҡыҙҙармы? – Әлбиттә, ҡатын-ҡыҙҙар, ниндәй ҡатын-ҡыҙҙың аяҡтары матур булғанға ҡарап, ир һайлағанын күргәнегеҙ бар.
***
- Операцияны еңел кисерҙегеҙ, ә бына уның алдынан үҙегеҙҙе бик әшәке тоттоғоҙ бит: ҡысҡырҙығыҙ, тороп китергә теләнегеҙ.
- Шулай булмай ни! Мине бит дауаханаға тәҙрә йыуырға ҡына ебәргәйнеләр.
