Көлгәнгә – көлкө

— Әсәй, бәпес ниңә илай? – тип һорай биш йәшлек Айрат.
— Берәй ере ауырталыр инде.
— Ауыртмай. Ул яңы бит әле!
***
— Әхирәт, хәтер бөтөнләй юҡ, ҡартаям, ахыры?
— Нәмә булды?
— Ирҙең телефонын тикшерергә онотам да ҡуям!
Етмәһә, фатирҙа эҫе һыу ҙа юҡ... Кисә сәсте йыуырға тип кәстрүл менән һыу йылытырға ҡуйғайным — түгергә тура килде. Ғәҙәт буйынса бер аш ҡалағы тоҙ һалғанмын!
***
Вагон-ресторанда берәү официантҡа асыулана:
— Кәтлитте күпме көтөргә мөмкин?!
— Илле саҡрым да үтмәҫбеҙ – килтерермен!
***
Сысҡан бесәйҙән ҡасып бер тишеккә инеп китә. Ә бесәй ҡапыл эт булып өрә башлай. Аптыраған сысҡан башын сығарып ҡарауы була, бесәй уны эләктереп тә ала.
– Сит телдәр белеүҙең файҙаһы ҙур шул! – тип ҡуя ул һуңынан, ирендәрен ялап.
***
– Улың БДИ имтихандарында әҙ балл йыйғанына ҡайғыра инең, уҡырға керә алдымы һуң?
– Керҙе университетҡа. Кәрәкле кешеһенә йүкә балы алып барғас, балл тигәнең арта икән!