-26 °С
Болотло
Бөтә яңылыҡтар
Көләмәстәр
1 Август 2025, 13:35
Йылмайып-көлөп кенә
Йәкшәмбе. Һалдаттар ял итеп ултыра, телевизор ҡарай. Старшина ниндәйҙер эш менән сығып киткән. Рота буйынса дежурҙың кеҫә телефоны шылтырай. – Тыңлайым, иптәш прапорщик! – Барабансылар роталамы? – Эйе. – Уларҙы тиҙ генә плацҡа ҡыуып сығар, барабандарын бар көсөнә ҡаҡһындар. – Ниңә, бөгөн ял көнө лә баһа? – Ҡушҡанды эшлә! Мин урманда аҙаштым. Барабан тауышына сығам.
Йылмайып-көлөп кенә
***
Төн. Кухня. Һыуытҡыстан аҙыҡ- түлек тейәп, сысҡан килеп сыға һәм аяғы менән кибеп бөткән бәләкәй генә сыр ҡуйылған ҡапҡанды ситкә тибеп:
– Уф, аптырайым, хужалар бала- саға кеүек был тиклем дә бер ҡатлы булыр икән?!
***
Ике дуҫ һөйләшә.
- Машинаңды бәрҙергәнһең икән…
- Эйе. Аҡса килтерә торған бетеү бүләк иткәйнеләр. Уны машинамдың алға тәҙрәһенә элеп ҡуйҙым. Икесе көндө автомобилем өҫтөнә инкассаторҙар машинаһы килеп менде…
***
Яңы ғына машина йөрөтөүгә таныҡлыҡ алған ҡыҙы, әсәһен ултыртып, өйҙәренә алып ҡайтҡас, әсәй кеше машинанан сыға ла:
- Ҙур рәхмәт һиңә, - ти.
- Ярай, - ти ҡыҙы, шатланып.
- Һиңә түгел, Аллаһы Тәғәләгә әйттем…
Новости партнеров