-6 °С
Болотло
Бөтә яңылыҡтар
Мәҙәктәр
4 Апрель 2018, 17:13
БҮЛӘК
– Егеттәр, тынысланыуығыҙҙы һорайым! – Сая ҡыҙ сағыу тауыш менән ҡысҡыра. Уға 18 йәш, студент, комсомолка, һылыу. Үткән быуаттың етмешенсе йылдар аҙағы. Ҡыҙ төркөм тынысланғас, һүҙен дауам итә:– Хәҙер беҙ бөтәбеҙ ҙә вокзалға буш шешәләр йыйырға барабыҙ!Төркөм ризаһыҙлыҡ белдереп геүләй, буласаҡ юристар – беренсе курс студенттары юҡ-бар өсөн ваҡыттарын әрәм итергә уйламай ҙа.– Улайһа...
БҮЛӘК
– Егеттәр, тынысланыуығыҙҙы һорайым! – Сая ҡыҙ сағыу тауыш менән ҡысҡыра. Уға 18 йәш, студент, комсомолка, һылыу. Үткән быуаттың етмешенсе йылдар аҙағы. Ҡыҙ төркөм тынысланғас, һүҙен дауам итә:
– Хәҙер беҙ бөтәбеҙ ҙә вокзалға буш шешәләр йыйырға барабыҙ!
Төркөм ризаһыҙлыҡ белдереп геүләй, буласаҡ юристар – беренсе курс студенттары юҡ-бар өсөн ваҡыттарын әрәм итергә уйламай ҙа.
– Улайһа, мин үҙем генә барам, һеҙгә оят булыр!
Барыһы ла түгел, шулай ҙа күбеһе уның саҡырыуына ҡушыла.
Иртәгәһен, лекцияларҙан һуң, бөтә төркөм алдында ул тантаналы шарттарҙа ҡағыҙға төрөп Бека исемле егеткә ҡарҙай аҡ күлдәк тоттора.
– Тот, Бектурсун, был беҙҙең бөтәбеҙҙән һиңә тыуған көнөңә бүләк.
Бека ҡыҙара, тартынып йылмая, үҙен ҡотлаусыларҙың һәр береһенә “рәхмәт” тип мығырлай һәм көтмәгәндә курсташтарын аптыратып, бүлмәнән сығып йүгерә… Төркөм уны тәҙрәнән күҙәтә: Бека бүләкте күкрәгенә ҡыҫып, аллея буйлап атлай, әллә оялыуҙан, әллә бәхеттән атылып сыҡҡан тыңлауһыҙ күҙ йәштәрен һөртә. Был уның тыуған көнөнә алған беренсе күлдәге була.
Ул йылда ла 8 Март ғәҙәттәгесә башланды. Ҡатынымды ҡултыҡлап, ҡәйнәмде байрам менән ҡотларға судҡа киттек. Беҙ килгәндә уның кабинеты сәскәләр һәм открыткалар менән тулғайны инде. Мин сәскәләргә һоҡланып баҫып торам, сөнки бер юлы был хәтлем гөлләмәне күргәнем юҡ ине әле. Шунда “Беканан” тип яҙылған открыткалы матур гөлләмәгә күҙем төштө.
– Бека кем ул? – тип һораным ҡәйнәмдән.
– Күрше райондың прокуроры, беҙ уның менән институтта бергә уҡыныҡ.
– Иҫ киткес гөлләмә!
Һуңынан ҡатыным миңә Бека хаҡында һөйләне. Ул үҙен белә-белгәндән бирле әсәһе йыл да 8 Мартҡа раузалар гөлләмәһе һәм “Беканан” тигән открытка ала икән.
Р. ФӘРИТОВ.
М. Абдюшев һүрәте.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60