-6 °С
Болотло
Бөтә яңылыҡтар
Мәҙәктәр
4 Апрель 2018, 18:00
ИҘӘН ЙЫУАМ
Эштәге һөйләшеү– Лена, һин балаларыңды 8 Март менән ҡотланыңмы? Һинең ҡыҙмы әле?– Ҡыҙ менән малай. Ҡыҙымды ҡотланым, онлайн уйынсыҡҡа 500 тәңкә бирҙем, күңеленә оҡшағанын үҙе һайлап алһын.– Ҡустыһы апаһын нисек ҡотланы?– Бөгөн һинең өсөн иҙән йыуам, тине.– Шәп! Минең ҡусты ла бала саҡта миңә ошондай бүләк бирә торғайны.
Эштәге һөйләшеү
– Лена, һин балаларыңды 8 Март менән ҡотланыңмы? Һинең ҡыҙмы әле?
– Ҡыҙ менән малай. Ҡыҙымды ҡотланым, онлайн уйынсыҡҡа 500 тәңкә бирҙем, күңеленә оҡшағанын үҙе һайлап алһын.
– Ҡустыһы апаһын нисек ҡотланы?
– Бөгөн һинең өсөн иҙән йыуам, тине.
– Шәп! Минең ҡусты ла бала саҡта миңә ошондай бүләк бирә торғайны.
Тәмле булды!
8 Март алдынан магазинда башҡа әйберҙәр менән бергә ҡаплы кәнфит тә һатып алдым. Ҡаптың тышына бөҙрә сәсле мөләйем ҡыҙ төшөрөлгән. Етеһендә өлкән класта уҡыусы улыма, берәйһен ҡотларһың, тип бирҙек. Кис һорашабыҙ.
– Йә, нисек?
– Бик шәп булды!
– Кемде ҡотланың һуң?
– Беҙ, дүрт малай, ашханала ултырып, кәнфиттәрҙе үҙебеҙ ашаныҡ! Шул тиклем тәмле булды!
***
14 февраль… 23 февраль… 8 Март… Әйҙәгеҙ, уларҙы бер байрамға берләштерәйек: Ватанды һаҡлаусыларға ғашиҡ халыҡ-ара ҡатын-ҡыҙҙар көнө!
***
Ҡатыныма 8 Мартҡа ҡәһүә сынаяғы һатып алдым да, уға телевизорға касса чегын беркеттем. Хәҙер һөйөклөм уны ҡулына алырға ла ҡурҡа…
***
Ни өсөн 23 февралдә ҡырыныу күбеге һәм трусиктарға хаҡ артмай, ә 8 Мартта сәскәләргә хаҡ ике мәртәбә арта?
***
– Ҡәҙерлем, һин миңә 8 Мартҡа бүләк алдыңмы?
– Әлбиттә, һөйөклөм.
– Ә ул миңә оҡшармы икән?
– Оҡшамаһа, миңә бирерһең, мин күптән ундай спиннинг тураһында хыяллана инем.
***
Ике наркоман төтәтеп ултыра. Береһе әйтә:
– Ниңә бөгөн һинең кәйефең юҡ?
– 8 Мартҡа ҡыҙыма ни бүләк итергә лә белмәйем.
– Ә ҡыҙыңдың 8 Марты ҡасан һуң?
***
– Егеттәр, әйтегеҙ әле, ни өсөн һеҙ беҙгә, ҡатын-ҡыҙҙарға, сәскәне һирәк бүләк итәһегеҙ?
– Ә һеҙҙең беҙгә һыра бүләк иткәнегеҙ бармы һуң?
***
Һәр ҡатын-ҡыҙ машинаға идара итергә ярата, бигерәк тә руль артында ире булғанда.
***
– Аҡылдан шаштыңмы әллә, был ниндәй бүләк?
– Һин нимә теләйһең? 23 февралгә нәскиҙәремде яманың да, өр-яңы булдылар, тинең. Бөгөн мин бысаҡтарҙы үткерләнем, магазиндан әле генә алып ҡайтҡан кеүектәр.
***
Иң хәйләкәр ҡатын-ҡыҙҙар – хәрби ҡатын-ҡыҙҙар. Уларҙың ике байрамы бар: 23 февраль һәм 8 Март.
***
Ҡатын-ҡыҙҙар бүләк ителмәгән раузаларҙы бүләк ителгәндәренә ҡарағанда оҙаҡ хәтерләй.
М. ИЛДАРХАНОВ.
А. Скворцов һүрәте.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60