-6 °С
Болотло
Бөтә яңылыҡтар
Мәҙәктәр
4 Апрель 2018, 17:25
КАКТУС
Һөйөклө әсәйҙәребеҙҙең һәм әхирәттәребеҙҙең яҙғы байрамы етте. Уйға ҡалдым: күрше парталағы күҙем төшөп йөрөгән Светкаға нимә бүләк итеп шаҡ ҡатырырға икән? Ҡарашым тәҙрә төбөнә төшкәнсе оҙаҡ уйланым. Ә унда яратҡан кактусым сәскә атып ултыра.
КАКТУС
Был хәлгә күп йылдар үтте. Ул ваҡытта бишенсе класта уҡый инем.
Былай булды. Һөйөклө әсәйҙәребеҙҙең һәм әхирәттәребеҙҙең яҙғы байрамы етте. Уйға ҡалдым: күрше парталағы күҙем төшөп йөрөгән Светкаға нимә бүләк итеп шаҡ ҡатырырға икән? Ҡарашым тәҙрә төбөнә төшкәнсе оҙаҡ уйланым. Ә унда яратҡан кактусым сәскә атып ултыра. Ҙур аҡ сәскәһе нимәһе менәндер лилиәгә тартым. Моғайын, Светкаға оҡшар.
8 март – Халыҡ-ара ҡатын-ҡыҙҙар көнөнөң иртәһе тыуҙы. Иртәрәк тороп, кактусты сәскәләре һынмаҫлыҡ итеп төрҙөм. Мәктәпкә алданыраҡ барып, уны парта аҫтына йәшерҙем.
Беренсе дәрескә ҡыңғырау шылтыраны. Ботаника уҡытыусы Мәрйәм апай урындан ғына өҫтәмә һорауға яуап бирергә баҫтырҙы. Әйткәндәй, миңә был предмет оҡшай ине. Тороп баҫтым да белгәнемде һөйләп бирҙем. Ә дуҫым Вәли шул арала шым ғына бүләгемде алған да партаға, асыҡлабыраҡ әйткәндә, ултыра торған ергә ҡуйған. Шунда минең менән уңайһыҙ хәл булды ла инде! Ултырыу менән ҡысҡырып ебәргәнемде һиҙмәй ҙә ҡалдым. Күргәнегеҙ барҙыр, кактустың энәләре осло һәм оҙон. Шунан минең хәлде күҙ алдына килтереп ҡарағыҙ инде.
Дуҫым этләшһә лә Светка барыбер бүләкһеҙ ҡалманы. Дәрестәр бөткәс, өйҙәге икенсе кактусты бирҙем. Сәскәләре, тәүгеһе кеүек, әллә ни бай булмаһа ла оҡшатты.
А. ЯҠШЫБАЕВ.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60