+13 °С
Болотло
Бөтә яңылыҡтар
Мәҙәктәр
17 Апрель 2018, 19:17
АҠСА
1 апрель. Тыуған заводым буйлап атлайым. Ба! Сүп-сар контейнеры артында, аралыҡта аҡса ята – ҡуша бөкләнгән бер нисә биш меңлек. Контейнер ҡоростан яһалған, ауыр, урынынан ҡуҙғатып булмай, ә уйым тар. Мин иһә бәләкәй ағай түгел, бер нисек тә үтә алмайым, ни буй етмәй. Уның ҡарауы, башымдағы мейе маймылдыҡынан мулыраҡ: швабра алдым да аҡсаны һөйрәп сығарҙым.
Башы.
1 апрель. Тыуған заводым буйлап атлайым. Ба! Сүп-сар контейнеры артында, аралыҡта аҡса ята – ҡуша бөкләнгән бер нисә биш меңлек. Контейнер ҡоростан яһалған, ауыр, урынынан ҡуҙғатып булмай, ә уйым тар. Мин иһә бәләкәй ағай түгел, бер нисек тә үтә алмайым, ни буй етмәй. Уның ҡарауы, башымдағы мейе маймылдыҡынан мулыраҡ: швабра алдым да аҡсаны һөйрәп сығарҙым.
Тәмәке тартыу бүлмәһенән хахылдап көлә-көлә хеҙмәттәштәрем килеп сыҡты. Баҡтиһәң, аҡсаны швабра менән һөйрәп сығарырға башы еткән беренсе кеше мин икәнмен. Ә ҡалғандар бөгөлә-һығыла үрелеп ҡараған, ләкин маҡсаттарына ирешә алмаған.
Аҡса ялған булып сыҡты: принтерҙа баҫылған, сифатлы, ысынынан тиҙ генә айырып булмай. Етмәһә, баҫҡас үтекләгәндәр, тотоп ҡараһаң, ҡыштырҙап тора. Хеҙмәттәштәремдең артабан 1 апрелдә күңел асыуына сик ҡуйҙым. “Утыҙ меңде” үҙемә алдым. Аралыҡтан алырға башым еткән икән, тимәк, минеке!
Дауамы.
“Аҡсаны” янсыҡта ярты йыл самаһы йөрөткәнмендер. Ялған икәнен беләһең, ә янсығыңды асһаң – күңел күтәрелеп китә.
Киске сәғәт һигеҙҙә төнгө сменаға эшкә китеп барам. Юл ыңғай ларекка тәмәкегә индем. Шунда аҡсамды шәйләп ҡалғандар шикелле. Ҡараңғы урамда бер малай менән ҡыҙ ҡыуып етте.
– Янсығыңды сығар!
Малай бысаҡ күрһәтеп ҡурҡытты. Буйһонорға тура килде – ялған аҡса өсөн аяҡ һуҙғы килмәй. Янсыҡты тартып алыу менән ҡастылар.
Аҙағы.
Ҡатыным ул осорҙа яҡындағы гипермаркетта эшләй ине. Иртән һөйләне: магазин ябылыр алдынан, һуң ғына ауыҙы ҡолағына ҡәҙәр йырыҡ малай ингән. Бер кәрзин хәмер, затлы ҡабымлыҡтар алған. Кассала кеҫәһенән эре генә ике биш меңлек сығарған. Кассир уға: “Саҡ ҡына көтөп тороғоҙ, хәҙер аҡсаны ваҡлап килтерәләр”, – тигән дә төймәгә баҫҡан. Бер минуттан малайҙың ҡулынан эләктергәндәр. Биш минуттан һуң полицейскийҙар кеҫәһенән тағы ла ошондай ҡағыҙҙар тапҡан.
Эләккән. Һигеҙ йылға. Ҡыҙҙы ла йәлләп тормағандар. Бәй, шулай булмай, ҡырын юлда етәкләшеп йөрөгәндәр ҙә баһа.
Х. ШӘЙҘУЛЛИН.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60