+17 °С
Болотло
Бөтә яңылыҡтар
Мәҙәктәр
17 Апрель 2018, 18:55

Беҙҙең илдә

Эшселәр – балалар баҡсаһы. Эшкә киләләр, үҙҙәренең шкафтарында өҫ кейемдәрен алыштыралар, уйын­сыҡ­тары янына баралар, унда тәр­биәселәр (начальниктар, мастер­ҙар, бригадир­ҙар һ.б.) күҙәтеүе аҫтында төшкә тиклем уйнайҙар. Шунан аш­ханаға төшкө ашҡа тәпәйләйҙәр. Төшкө аштан һуң бер сәғәт ял (бәлки, ярты сәғәттер). Төштән һуң тағы уйын. Көн аҙағында кемдәргәлер укол һалалар, клизма ҡуялар, кем­дәргәлер таҫма бәйләйҙәр һәм кәнфит бирәләр. Аҙаҡ душ, шкафта өҫтө алыштырыу һәм ҡыуана-ҡыуана өйгә ҡайтып китеү.















Эшселәр – балалар баҡсаһы. Эшкә киләләр, үҙҙәренең шкафтарында өҫ кейемдәрен алыштыралар, уйын­сыҡ­тары янына баралар, унда тәр­биәселәр (начальниктар, мастер­ҙар, бригадир­ҙар һ.б.) күҙәтеүе аҫтында төшкә тиклем уйнайҙар. Шунан аш­ханаға төшкө ашҡа тәпәйләйҙәр. Төшкө аштан һуң бер сәғәт ял (бәлки, ярты сәғәттер). Төштән һуң тағы уйын. Көн аҙағында кемдәргәлер укол һалалар, клизма ҡуялар, кем­дәргәлер таҫма бәйләйҙәр һәм кәнфит бирәләр. Аҙаҡ душ, шкафта өҫтө алыштырыу һәм ҡыуана-ҡыуана өйгә ҡайтып китеү.

Офистарҙағы клерктар – контора хеҙмәткәрҙәре – мәктәп. Иртән иртүк өҫтәл артына ултыралар, китаптарын, дәфтәрҙәрен, көндәлектәрен асып, эшкә тотоналар:

арифметика – бухгалтерия, логистика, иҫәп-хисап, баланс һ. б.;

әҙәбиәт – отчет, ғариза, килешеү, йомғаҡ, һығымта темаларына иншалар;

биология – тәҙрә төбөндәге гөлдәрҙе тәрбиәләү;

астрономия – йондоҙнамәләрҙе һәм астрологик күҙаллауҙарҙы өйрәнеү;

география – отпускыға барыу өсөн картанан курорттарҙы табыу;

физика – сәй йәки ҡәһүә беше­рергә һыу ҡайнатыу алымдарын өй­рәнеү;

химия – табип яҙып биргән дарыу­ҙарҙы ҡулланыу буйынса инструкция­ларҙы өйрәнеү;

физкультура – тән яҙҙырыу өсөн тәнәфес.

Дәүләт Думаһы – институт. Егеттәр сессиянан сессияға күңелле йәшәй. Әммә сессия ваҡытында ығы-зығы килеп алыу ҙа ҡамасауламаҫ ине. Һайлауҙар тейешенсә үтһен һәм кәрәкле кеше һайланһын өсөн. Әгәр кәрәкмәгән кеше һайланһа, элемтә­ләрҙе аяҡҡа баҫтырырға кәрәк.

Юғары звенолағы дәүләт чиновниктары – аспирантура. Уларҙың бөтәһе лә ғалим. Барыһы ла ни эшләргә ярағанын, ни эшләргә ярамағанын аныҡ белә. Тағы ла бер категория бар – өйрәнсектәр. Улар – белем алмаған, ә мәғлүмәтле.


М. ИҒДӘҮЛӘТОВ.
Теги:"һәнәк" журналыжурнал "вилы"башҡортса юморбашҡорт телендәге көләмәстәржурналы башкортостана
Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60
Яндекс.Метрика