-6 °С
Болотло
Бөтә яңылыҡтар
Мәҙәктәр
2 Июль 2018, 11:25
БИРЕРГӘ КӘРӘК
Бүре Ҡуянды тотоп алған да, уға былай тигән: – Ишеттеңме әле, Ҡуян, мин хәҙер урманда башлыҡ. Иртәгә миңә 1 000 тәңкә килтерерһең, әлегә күҙемдән юғал! Ҡуян бошаманға төшкән, Айыуға зарланырға барған...
Бүре Ҡуянды тотоп алған да, уға былай тигән:
– Ишеттеңме әле, Ҡуян, мин хәҙер урманда башлыҡ. Иртәгә миңә 1 000 тәңкә килтерерһең, әлегә күҙемдән юғал!
Ҡуян бошаманға төшкән, Айыуға зарланырға барған.
Айыу уйлаған-уйлаған да Ҡуянға былай тигән:
– Беләһеңме, шеш ҡолаҡ, һин уны йәһәннәмгә олаҡтыр, бөттө-китте!
Иртәгәһен Бүре Ҡуянды осратҡас, аҡса таптырған:
– Йә, минең аҡса ҡайҙа?
– Ишетәһегеҙме, Бүре, һин йәһәннәмгә олаҡ! – тип яуаплаған Ҡуян.
Бүре ҡоторонған, Ҡуянды дер һелкетеп ҡысҡырған:
– Вәт эләктең, шеш ҡолаҡ! Тыңламағаның, телләшкәнең өсөн иртәгә 10 000 тәңкә килтерәсәкһең! Әтеү – бөттөң, ҡолаҡтарыңды баулап, һаҙлыҡҡа ырғытам!
Ҡайғыға батҡан Ҡуян тағы ла Айыуға барған. Йәнәһе, шулай-шулай, Бүре бүреләнә, хәҙер 10 000 таптыра!
Айыу уйлаған-уйлаған да әйткән:
– Ә һин уны тағы ла йәһәннәмгә олаҡтыр!
Иртәгәһен Бүре Ҡуянды тотоп алған:
– Нимә, шеш ҡолаҡ, ниһайәт, уйланыңмы? Ҡайҙа минең аҡса?
Ҡуян ҡыйыу яуаплай:
– Ишетәһеңме, аңра! Йәһәннәмгә олаҡ!
Бүре шартлай яҙған:
– Етте, маңҡа! Үлем сәғәтең һуҡты! Һинең әжәлдән ҡотолорға бер генә мөмкинлегең ҡалды – иртәгә миңә 100 000 тәңкә килтерәһең, әтеү урманда һине мәңгегә юғалтасаҡтар!
Ҡото алынған Ҡуян күҙ йәштәрен ағыҙа-ағыҙа Айыуға йүгергән:
– Мин Бүрене, һин әйткәнсә, тағы ла йәһәннәмгә олаҡтырҙым, ә ул иртәгә 100 000 һум килтерергә ҡушты. Хәҙер миңә ни эшләргә?!
Айыу уйлана-уйлана тәпәйен һурған да яуаплаған:
– Ни… шеш ҡолаҡ, 100 000 һум – етди сумма. Бында шаярырға ярамай. Бирергә кәрәк…
И. ҠОРБАНОВ.
---------------------------------------------------
"һәнәк" журналы, № 6, 2018 йыл.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60