+12 °С
Ямғыр
Бөтә яңылыҡтар
Мәҙәктәр
9 Ноябрь 2018, 19:18
Әбүзәрҙән - әҙип мәҙәктәре: "Яҙыусылар союзы "мозгаһы"...
Ағзамы? Башҡортостан Яҙыусылар союзы идараһы рәйесе урынбаҫары булып эшләгән Азамат Юлдашбаевтан һорайҙар: – Азамат, һин Яҙыусылар союзы ағзаһымы? – Юҡ, мозгаһы!..
Салауат ӘБҮЗӘР "Әҙиптәр һәм мәҙәктәр" рубрикаһын тәҡдим итә!
Арыҫлан
Редакция бүлмәһенә шағир Ирек Кинйәбулатов килеп инде. Уның туны ла, бүрке лә арыҫлан төҫөндә.
– О-о-о!.. Арыҫлан һымаҡ булғанһың, Ирек ағай! – тинек беҙ бер тауыштан.
– Һымаҡ түгел – арыҫлан!..
Шулай ҙа була
Редакция бүлмәһендә китап уҡып ултырам. Ҡыҙмасараҡ булған бер яҙыусы ағай килеп инде. Миңә бер аҙ текләп торҙо ла: “Нимә уҡыйһың?” – тип, ҡулымдағы китапты алды. Унан бер-ике һөйләм уҡып сыҡҡас, өҫтәлгә ташланы:
– Тьфю!.. Шулай ҙа яҙыр икән кеше. Һөйләме һөйләм түгел. Ағас тел!..
Өҫтәлгә ташланған китап ябылып, уның тышында үҙенең исемен күргәс, ағай бер китапҡа, бер миңә ҡарап торҙо ла, башын эйеп, шым ғына сығып шылды.
“Уҡы, улым!”
Шағир Дамир Шәрәфетдинов ауыл хужалығы институтын тамамлағас, Орел өлкәһенә зоотехник булып эшкә бара. Бер саҡ силос соҡоронда анализ алып ултыра Дамир. Уның эргәһенән кескәй малайын етәкләгән ҡатын үтеп бара. Соҡоноп ултырған Дамирҙы күргән ҡатын улына әйтә:
– Уҡы, улым. Уҡымаһаң, анау әҙәм шикелле навозда ҡаҙынырһың!
Ағзамы?
Башҡортостан Яҙыусылар союзы идараһы рәйесе урынбаҫары булып эшләгән Азамат Юлдашбаевтан һорайҙар:
– Азамат, һин Яҙыусылар союзы ағзаһымы?
– Юҡ, мозгаһы!..
Һаҡал
Бер шағир тыуған ауылында ятып, Өфөгә һаҡал үҫтереп килә.
– О-һо! Һаҡал үҫтереп ебәргәнһең икән, – ти уға дуҫтары.
Теге шағир күкрәген кирә биреп:
– Рауил Бикбаевҡа оҡшарға теләйем, – тип ебәрә.
– Уға оҡшар өсөн һаҡал түгел, аҡыл үҫтерергә кәрәк...
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60