-6 °С
Болотло
Бөтә яңылыҡтар
Мәҙәктәр
15 Ноябрь 2018, 15:16
Ишетмәһәң – ишет! Ҡулсыр ейәнсәр.
Стәрлетамаҡ ҡалаһында бер ейәнсәр өләсәһенең хәлен белергә килгән. Ейәнсәре киткәс, өләсәй өйөнән бер затлы әйбере юғалыуын асыҡлаған...
– Ишеттеңме бер хәбәр?
– Өлгөрмәнем әле, һөйләп ебәр!
– Ишетмәһәң – ишет! Стәрлетамаҡ ҡалаһында бер өләсәй йәшәй, уның 21 йәшлек ейәнсәре бар, ти.
– Ауыҙ һыуыңды ҡоротоп һөйләр хәбәрең шулмы? Өләсәйҙәрҙең ҡасан ейән-ейәнсәрһеҙ, хатта бүләләрһеҙ булғанын күргәнең бар?
– Шулайын шулай. Көндәрҙән бер көндө ейәнсәр өләсәһенең хәлен белергә килгән.
– Дөрөҫ эшләгән. Өлкәндәрҙе онотмау – уларҙың бурысы. Күңелдәре булғансы серләшкәндәрҙер, тәмләп сәй эскәндәрҙер.
– Шулайын шулай. Ейәнсәре киткәс, өләсәй өйөнән шкатулкаһын тапмаған.
– Унда ниҙәр булды икән?
– Өләсәйҙең күңеленә бик яҡын алтын әйберҙәр: балдаҡтар, кулон, сылбыр.
– Ейәнсәре ҡулсыр булып сыҡтымы икән ни?
– Тап өҫтөнә баҫтың. Урлашҡаны өсөн электән хөкөм ителгән ейәнсәр өләсәһенең алтын биҙәгестәрен ломбардҡа тапшырып, 15 мең һум самаһы аҡса алған. Полицейскийҙар эләктергәндә аҡсаны дуҫтары менән күңел асыуға тотоноп бөткән.
– Уғрылыҡтың һуңы хурлыҡ, тип халыҡ дөрөҫ әйтә икән. Бынағайыш, ишетмәһәң – ишет!
ИШКИЛДЕ менән ҠУШКИЛДЕ.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60