Әбүзәрҙән - әҙип мәҙәктәре: “Арафат үлгән!”

Төпкөл райондарҙың береһендә бер төркөм яҙыусылар халыҡ менән осрашып йөрөй. Урындағы хакимиәт башлығы урынбаҫары әҙиптәрҙе санаторийға урынлаштыра ла, иртән сәй эсерһегеҙ, тип аҙыҡ-түлек тултырылған ҡапсыҡ ҡалдыра. Иртән шағир Әхмәҙин Әфтәх барыһынан да алдараҡ тороп, телевизор ҡабыҙа. Диктор, Ясир Арафаттың мәрхүм булып ҡалыуын хәбәр иткәс, Әхмәҙин Әфтәх: “Арафат үлгән!” – тип һөрәнләп ебәрә. Шул саҡ бер шағир һикереп тора ла: – Ай, әттәгенәһе!.. Нишләп иплерәк ҡараманығыҙ?!. – тип ҡапсыҡтарҙы ҡутарырға тотона. Баҡһаң, “Арафат үлгән!” тигәнде “Араҡы түгелгән” тип ишеткән икән...