Әбүзәрҙән - әҙип мәҙәктәре: "Ҡыҙыҡ хикәйә"

Бер редакция бүлмәһендә ултырабыҙ. Оло ғына йәштәге бер ағай килеп инде. Бүлек мөдире тегеңә ишетелмәҫлек итеп бышылданы: – Йөрөйҙәр шунда эш ҡалдырып!.. Ағай мөдирҙең ҡаршыһына ултырҙы: – Бына, бер хикәйә яҙғайным, – тип ҡулъяҙмаһын һондо. Тегенеһе ҡағыҙҙарҙы алып, битараф ҡына күҙ йүгертте: – Ярай, ҡарарбыҙ, – тине. – Кем булаһығыҙ? Бында исемегеҙ яҙылмаған. – Фәлән Фәләнов мин. Эшҡыуар. Биш-алты магазиным тотам... – Ә-ә-ә... Ҡыҙыҡ!... Бик ҡыҙыҡ хикәйә бит был!.. Ҡарағыҙ әле, быны бит повесть йә роман итеп тә була!..