+5 °С
Болотло
Бөтә яңылыҡтар
Мәҙәктәр
9 Апрель 2019, 10:33
Бушлай концерт. 1 апрель мажараһы.
– Тауышланмағыҙ әле, урындағы радио белдереү тапшыра, – тип Хәҙисә апай балаларының тынысланыуын һораны. – Бөгөн, йәғни 1 апрелдә, урындағы ваҡыт менән сәғәт унда мәҙәниәт йортонда йыйылыш була. Унда, яҙҙың бер айға һуңлап килеүе арҡаһында, иген сәсеүгә әҙерләнеү һәм башҡа мәсьәләләр ҡараласаҡ. Йыйылыштан һуң ҡала артистары бушлай концерт ҡуя. Һеҙҙе көтәбеҙ, – тип ашыҡтырҙы диктор.
– Тауышланмағыҙ әле, урындағы радио белдереү тапшыра, – тип Хәҙисә апай балаларының тынысланыуын һораны.
– Бөгөн, йәғни 1 апрелдә, урындағы ваҡыт менән сәғәт унда мәҙәниәт йортонда йыйылыш була. Унда, яҙҙың бер айға һуңлап килеүе арҡаһында, иген сәсеүгә әҙерләнеү һәм башҡа мәсьәләләр ҡараласаҡ. Йыйылыштан һуң ҡала артистары бушлай концерт ҡуя. Һеҙҙе көтәбеҙ, – тип ашыҡтырҙы диктор.
Белдереү халыҡтың ҡышҡы сире – йоҡомһорап йөрөгән сағына тура килде. Уны ишетеү менән халыҡ, бар эштәрен ташлап, биҙәнергә, төҙәнергә тотондо.
Хәҙисә апай мәҙәниәт йортоноң тупһаһына баҫҡанда, шығырым тулы зал йыйылыштың башланыуын түҙемһеҙләнеп көтә ине. Тик башлыҡтар ғына күренмәй. Ҡайһы берәүҙәр: “Был йыйылыш түгел, ә дикторҙың 1 апрель шаяртыуы”, – тине. Ә Шамил бабай рус телен вата-емерә: “Яҙғы сәсеү – серьезный проблема, ул шаярыуҙы яратмай, хлеб всякому голова”, – тип көтөргә саҡырҙы. Аранан Ғәләүи ағай: “Раз йыйылыш башлыҡтары юҡ икән, дауай беҙгә иң башта концерт күрһәтегеҙ”, – тип талап итте. Кешеләр: “Концерт! Концерт!” – тип ағайҙың талабын хуплап ҡаршы алды.
Концертты мәктәп уҡыусылары башлап ебәрҙе. Кәли ағай ауылдаштарын аяҡҡа баҫтырған, әле концертты алып барған Әнисәгә: “Ә ҡайҙа ҡала артистары?” – тип һорау бирҙе. Һорауға Әнисә: “Беҙ кемдән хуже, әйҙә әле өҙҙөр бейеү көйөн!” – тип Алмазға баян тотторҙо. Гармунсы төймәләргә баҫа башлау менән, ҡатын бармаҡтарын шартлатты, бейей башланы: “Айда, веселись народ!” Уға башҡалар ҡушылды.
– Ҡәҙерле ауылдаштарым, һеҙҙе эшегеҙҙән айырғанға ғәфү итегеҙ. Яҙҙың матур көнөндә күңелегеҙҙе асҡым килде. 1 апрель йылға бер тапҡыр ғына була, – тине табандары ҡыҙғансы тыпырҙаған Әнисә һуңынан.
– Рәхмәт һиңә, күңелебеҙ күтәрелеп ҡалды. – Күптәр уның шаяртыуын хупланы. Шунан халыҡ сәхнәгә сығып, йәнә тамаҡтары ҡарлыҡҡансы йырланы, аяҡтары талғансы бейене.
Күңел асыу тамамланғас, бер нисә кеше диктор Әнисәне СМС аша ҡунаҡҡа саҡырған. Ә ул барырғамы, юҡмы, шаяртыу түгелме икән, тип икеләнә, имеш.
Фәнүр ХӘБИБУЛЛИН,
концертта ҡатнашыусы.
Раевка ҡасабаһы
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60