+3 °С
Ясна
Бөтә яңылыҡтар
Мәҙәктәр
12 Ноябрь 2019, 19:39
Рәшит Солтангәрәев мираҫынан. Аҫылғужа.
– Тормошта үҙ урынығыҙҙы белеп ултырығыҙ! – Директор алға ултыра. Шофeр директорға ҡарай: – Куда? – Баймаҡ, Муллаҡай! – А где это Баймаҡ, Муллаҡай?
АҪЫЛҒУЖА
Аҫылғужа Баһуманов «Китап» нәшриәте директоры булып эшләп алды. Директор булыуының икенсе көнөнә бының подъезд төбөнә иҫке генә ҡара «Волга» килеп туҡтай.
Был килеп сыға ла иҫке ҡуян бүреген шоферына ырғыта:
– Вытери жеребца!
Ул арала әйберҙәрен күтәреп ҡатыны, балалары килеп сыға. Өсөһө лә алғы ишеккә ынтыла:
– Тормошта үҙ урынығыҙҙы белеп ултырығыҙ! – Директор алға ултыра.
Шофeр директорға ҡарай:
– Куда?
– Баймаҡ, Муллаҡай!
– А где это Баймаҡ, Муллаҡай?
– Дорогой, ты отныне должен знать – где Баймаҡ, где Муллаҡай! – Ҡулын алға һуҙа.
Подъездан Сафуан Әлибаев килеп сыға.
– Аҫылғужа, ҡайҙа киттең?
– Будь здоров!
Кәйефе шәп саҡта әйтә торған һүҙ.
Иҫке машина шалтырап урынынан ҡуҙғала.
УЙЫНЛЫ–ЫСЫНЛЫ
Мин Сибайға барғас, ҡунаҡхана ҡиммәт тип, Островский урамындағы бер ятаҡҡа урынлаштырҙылар. Кис, ашханала ашаланып, сәйханала сәйләнеп алғас, Аҫылғужа, Сибайҙы белмәйһеңдер тип, оҙатып ҡуйырға булды, үҙе икенсе йыл Сибай Яҙыусылар ойошмаһының яуапһыҙ секретары булып эшләй.
Беҙ Островский урамын таба алмай сәғәт ярым яфаландыҡ. Ҡала бик ҙур, әҙерәк атлаһаң, осона киләһең лә сығаһың. Аҫылғужа ҡаланы проектлаусыларҙы әрләй:
– Һәүректәр, ҡулдарынан килмәгәнгә, шулай төҙөйҙәрме ни!
Ике егет тап килде:
– Островский урамы анау яҡта. – Кире яҡты күрһәттеләр.
Әммә, был, Аҫылғужа әйтмешләй, «ҡороғор урам» унда ла булмай сыҡты:
– Һәүректәр. Ошонда йәшәп, ҡалаларын да белмәйҙәр. Әйҙә, Өфөгә Наил Ғәйетбаевҡа шылтыратабыҙ, ул Сибайҙы яҡшы белә.
Әммә телефон станцияһы төнгөһөн эшләмәй булып сыҡты.
– Ярар, бушҡа ҡаңғырмайыҡ, ағай, әйҙә, миңә генә бар ҙа йоҡла.
Киттек. Әммә ул үҙ йортон таба алмай ҡаңғырҙы. «Әллә күсереп алғандар инде?» – ти. Ахырҙа:
– Ярар, бушҡа ҡаңғырмайыҡ, вокзалға барайыҡ та йоҡлайыҡ. Ярты төнгә бесәй тиреһе лә сыҙаған.
Әммә вокзал да бикле булып сыҡты. Аҫылғужа, ҡарана торғас, ҡысҡырып ебәрҙе:
– Һай, беҙ һәүкәштәр! Ана бит беҙҙең йорт. Мин вокзалдан ҡайта беләм!
***
Аҫылғужа берҙән-бер повесть яҙҙы. «Презентация» тигән нәмәнең яңы сыҡҡан ваҡыты, ул бөтә Урал аръяғында китабына шуны үткәреп йөрөнө. Ниһайәт, Сибайҙа йыйҙы халыҡты. Һорау бирҙеләр:
– Аҫылғужа ағай, әле нимә өҫтөндә эшләйһегеҙ?
– Күрмәйһегеҙме ни, презентация өҫтөндә эшләйем
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60