БЕҘ ҮҘЕБЕҘ

Бер мәл миңә Краснодарҙа валюта алыштырырға кәрәк булды. Яҡында ғына алыштырыу пункты юҡ, ә һаҡлыҡ банкыһына барғым, сиратта торғом килмәне. Беренсе осраған сауҙа ларегына индем дә:

– Һеҙ миңә доллар алыштырмаҫһығыҙмы икән? – тип һораным.

Баш тарттылар. Күренеп тора, алыштырғылары килә, ләкин ҡурҡалар. Йә ялған булып сығыр.

Икенсе ларекка барҙым. Шул уҡ хәл.

Шунда һатыусыларҙың ышанысына инергә кәрәк икәнен аңланым. Өсөнсө ларекка барҙым.

– Һеҙ бында аҡса алыштырыу пунктының ҡайҙа икәнен әйтмәҫһегеҙме икән? Доллар алмаштырырға ине.

– Ә һеҙгә ниңә алыштырыу пункты? Беҙ үҙебеҙ алыштырабыҙ.