-23 °С
Болотло
75 лет Победы
Бөтә яңылыҡтар
Мәҙәктәр
12 Октябрь 2021, 10:30

ҺАУҘЫМ ИНДЕ...

Бер ауылда йәшәгән кешеләр бер ауылдашынан һауын һыйыры һатып алған. Тегеләрҙең һөтлө тоҡом икән. Тик һыйыр өйрәнгән йортона ҡайта ла ҡуя  көтөүҙән. Яңы хужабикә уны эҙләп барһа, һыйыр инде һауылған була, ти. Элекке хужабикә әйтә икән:

ҺАУҘЫМ ИНДЕ...
ҺАУҘЫМ ИНДЕ...

– Һауҙым инде... Елене ташып, баҡырып килә ине.

Бер көн ҡабатлана был хәл, икенсе көн, унан тағы күпмелер көн дә шулай бара... Һыйыр һауып алынған, һөт юҡ. Теге ҡатындың яуап һаман шул икән:

– Һауҙым инде...

Малды икенсе өйгә өйрәтә алмай аҙапланалар. Ахырҙа, яңы хужабикәнең түҙеме бөтөп, элеккеһенә ябырыла:

– Ай буйына минең һыйырҙы һауаһың. Һаума, ҡыу ҙа сығар!

Тегенеһе шунда әйтеп һалған, ти:

– Тағы берәй аҙна ғына йөрөһә, бакта майым тула инде. Унан ҡыуа башлармын.

Автор:Миләүшә Ҡаһарманова
Читайте нас в