Үҙемдең хаҡлы булыуыма инаныр өсөн бер квартал уҙғас, кире боролдом да шул уҡ урындан үттем. Тиҙлекте кәметеп... Видеокамера яңынан янып һүнде!
Ни... ҡыҙыҡ була башланы был. Сәмләндем – ошо уҡ урындан тағы ла өс мәртәбә уҙҙым. Ташбаҡа тиҙлеге менән, камераға ауыҙымды йырып... Өсөһөндә лә камера мине төшөрөп алды.
Ике аҙнанан һуң биш «бәхет хаты» алдым: штраф тураһында квитанциялар менән... Хәүефһеҙлек ҡайышын эләктермәйенсә машина йөрөткән өсөн...
И. ДАРМАНОВ.
Иҫерек шикелле
Гаишниктар йышлығында ишеттем. Тегеләр түрә-ҡара менән әңгәмәләшә.
– Машина туҡтаттыҡ, руль артындағы ир иҫерек шикелле.
– Лабораторияға барырға теләмәйме әллә?
– Теләй, ә беҙ алып барырғамы, юҡмы, тип уйлайбыҙ.
– Эш нимәлә?
– Ул ошо лабораторияның етәксеһе.
У. РӨСТӘМОВ.
Юл бирегеҙ
Бер бабайҙың “Зәпәрәй”е һүнгән, ул “Мерседес”ты туҡтата ла водителгә:
– Улым, әҙерәк һөйрә әле, мин фараларҙы емелдәтә башлау менән, шунда уҡ туҡтарһың!
Ҡуҙғалалар, уларҙы “Вольво” уҙып китә. “Мерседес”тың водителе түҙмәй, газға баҫа. Юл сатында торған гаишник, быны күргәс, посҡа шылтырата:
– Коля, ышанаһыңмы-юҡмы, әле генә ике иномарка ике йөҙ километр тиҙлек менән уҙып китте, ә уларҙың артынан “Зәпәрәй”ҙә бер бабай тегеләргә, юл бирегеҙ, тип фараларын емелдәтте!
Ай-ай-ай...
Автосалонға каска һәм итек кейгән эшсе инә.
– Веntlеу GT Coupе күпме тора?
– 250 000 евро.
– Ай-ай-ай... Ә бер йылға кредит?
– Айына 25 000 евро.
– Ҡиммәт... Ә ике йылға?
– 12 500.
– Ҡиммәт... Ә өс йылға?
– Бәлки, арзаныраҡ машина алыуҙа мәғәнә барҙыр?
– Мәғәнә барҙыр, бәлки... Ләкин күтәргес крандың плитаһы тап бына ошондай машинаға төштө.
М. ӘҒЛӘМОВ.
Фото: 1969ja.livejournal.com