-18 °С
Болотло
75 лет Победы
Бөтә яңылыҡтар
Мәҙәктәр
11 Ғинуар 2022, 13:05

Ҡулыңа ултыртһаң, елкәңә үҙе менер

Әлфиә ханым бигерәк ярата ине улы Вилде. Бәпесем, тип кенә торҙо, тел-теш тейҙермәй. Вилкәйен ҡулдарына күтәреп, һөйөп туя алманы.

Ҡулыңа ултыртһаң, елкәңә үҙе менер
Ҡулыңа ултыртһаң, елкәңә үҙе менер

Кәнфит, шоколад ашатып, Вилкәйенең тештәрен серетеп бөтөрҙө, мәктәпте тамамлағас, бер ҡайҙа ла эшләтмәй, икенсе эйәк үҫтерҙе, өйҙә моңайып ултырмаһын тип, магнитофон, гитара кеүек әйберҙәр алып бирҙе.

Хәҙер Вилгә — үҙенсә әйтһәк, Вольдемарға — ике донъя — бер мөрйә. Ул, гитараһын алып, диванға ҡырын ята ла:

Ой папуля, ой мамуля,

Дайте денег, ля-ля-ля, — тип, моңло тауыш менән һуҙып ебәрә.

Улын артыҡ иркәләп үҫтергәнен һиҙеп ҡалған Әлфиә ханым бирмәҫ ине лә, Вольдемар бер генә аҡайып ҡарай.

— Мә, улым, мә!

Элек алмалай Әлфиә ханым хәҙер һуған кеүек һап-һары. Иңенә таш булып ятҡан улы ауырлығынан һығылып төшкән ул. Таныш-белештәре Әлфиә ханымға ҡарайҙар ҙа:

— Ҡулыңа үҙең ултыртһаң, елкәңә үҙе менер, — тиҙәр.

Фото:medicalinsider.ru

Автор:Ғәли ҒАТАУЛЛИН
Читайте нас в