Ҡушҡанын үтәйем

– Юҡ.
– Улайһа, ҡайҙан алдың?
– Күрше урамда йәшәүсе ҡатын һатты.
– Күпмегә?
– 50 тәңкәгә генә.
Егеттең ата-әсәһе, әлбит­тә, ышанмаған. “Ниндәй ғиллә был?” – тип ҡатындан һора­шырға барған.
– Беләһегеҙме? – тип аңлатҡан ҡатын. – Ирем командировкаға киткәйне. Кисә шылтыратты. Икенсе ҡатын осраттым, уның янында ҡалам, ти. Үҙенең бөтә мөлкәтен һатып, аҡсаһын күсерергә ҡушты… Бына ҡушҡанын үтәйем. Әйткән­дәй, һеҙгә өс бүл­мәле фатир кәрәкмә­йме? 100 тәңкәгә генә бирәм.

Көтөп торорҙар

Журналист лотоға 10 миллион һум аҡса отоусынан интервью ала.
– Әйтегеҙ әле, был ҡәҙәр аҡсаны ни эшләтмәксе бу­лаһығыҙ?
– Бурыстарымды ҡайта­рам.
– Ә ҡалғанын?
– Ҡалғандар көтөп торор.

У. ҠАҘАҠҠОЛОВ.

Композитор

Автобуста китеп барам. Янымдағы кешеләргә иғти­бар итмәй, нимәлер хаҡын­да уйланам. Ҡапыл мине күктән ергә ниндәйҙер ҡур­ҡыныс, ҡыл һымаҡ нервы­ларҙы өҙгөләүсе музыка төшөрҙө. Хатта музыка ла түгел, ә ҡолаҡ ярғыс йәмһеҙ тауыштар. Тирә-яғыма ҡа­ранһам – 20 йәштәр тирә­һендәге егет­тең телефонынан килә теге музыка.
Ул һөйләшеп бөткәндән һуң, бер апай уҫал итеп әйтеп ҡуйҙы:
– Музыкаң бигерәк һәй­бәт! Төндә ҡотоң осоп һикереп торорлоҡ.
– Уны мин үҙем яҙҙым, – тип маҡтанды егет. – Ишет­тегеҙ бит, бер кемдеке менән дә бутап булмай. Теләһәң дә.
Барыһы ла уның һүҙҙәрен күңеленән үткәрҙе. Ағай­ҙа­р­ҙың береһе автобусты яңғыратты:
–Бына, исмаһам, композитор!

Икәүләшеп

– Доктор, иремде бер нисек тә компьютерҙан айырып ала алмайым, көн-төн танкылы уйнай. Миңә әйлә­неп тә ҡарамай, – тип зар­лана бер ҡатын.
– Уға тормошоғоҙҙа башҡа ир барлыҡҡа киле­үен күрһәтегеҙ, – тип кәңәш итә доктор. – Бәлки, шунан һуң һеҙгә иғтибар итә башлар.
Бер аҙна үтә. Ҡатын тағы ла докторға килә.
– Мин әйткәнсә эшлә­негеҙме? – тип һорай табип.
– Эйе. Икенсе ир менән таныштым, – ти ҡатын.
– Һөҙөмтәһе нисегерәк һуң?
– Хәҙер улар икәүләшеп танкылы уйнай.

Б. СӘЛМӘНОВ.