-3 °С
Болотло
Бөтә яңылыҡтар
Мәҙәктәр
8 Июнь 2022, 14:00

Әҙер торайыҡ!

25 йәштән 75 йәшкә тиклемге ир-егеттәр йыйылған. Кәңәшләшкәндәр ҙә һәр кеме ҡатынына телефон аша “Мин һине яратам!” тигән смс-хәбәр ебәрергә булған.

Әҙер торайыҡ!
Әҙер торайыҡ!

25 йәшлек ирҙең ҡатыны: “Мин дә һине яратам!”  тип яуап яҙған.

35 йәшлек иргә “Бөгөн дә эстеңме?” тигән яҙыу килгән.

45 йәшлеге “Һиңә нимә булды? Һөйәркәләреңде иҫләп ултыраһыңмы?” тигән яуап алған.

55 йәшлек иргә ҡатыны: “Һин берәйһенең номеры менән яңылышманыңмы ул?” – тип яҙып ебәргән.

65 йәшлеккә “Пенсияла ултыраһың, эшләмәйһең, ҡыйығың китеп бара шикелле” булған яуап.

75 йәштәгеһенең әбейе улын саҡырып алған да: “Улым, атайың бөтөнләй насарланған, тиҙҙән китеп барыуы ихтимал. Бер-ике һарыҡты һимертеүгә ҡуй. Әҙер торайыҡ!”, – тигән ти.

Фото: Vk

Автор:"ҺӘНӘК" журналы
Читайте нас: