Компанияла хеҙмәткәрҙәрҙе күпләп эштән бушатыу мәсьәләһен тикшергәндә яңы акция лозунгыһы барлыҡҡа килгән: “Өс коллегаңды ғариза яҙырға күндер һәм үҙ эш урыныңды һаҡлап ҡал!”
***
Мин – эшһеҙ, өйҙә ултырам, ләкин ғаиләлә өҫтөнлөк итәм. Бөгөн ҡатыныма, һауыт-һаба йыуырға яңы губка ҡасан алаһың, тип ҡысҡырҙым.
***
Сигарет ҡаптарына яҙыу өсөн яңы текст: “Пенсия фонды сығымдарын кәметергә ярҙам иткәнегеҙ өсөн рәхмәт белдерәбеҙ”.
***
– Һалымыңды түлә лә тыныслап йоҡла!
– Ас ҡорһаҡҡамы?
***
Байыйым ғына тиһәң, йә фатир өсөн түләргә кәрәк, йә туфли тишелеп сыға.
***
Карточканан аҡса алдым. Банкомат ниндәйҙер ят тауыш сығарҙы. Иһаһайланы, тип уйлайым.
***
Кесе бизнес өсөн махсус тәҡдим: “Беҙ асылдыҡ” тигән баннерға заказ биргәндә “Аренда” һәм “Һатыла” табличкалары бүләк итәбеҙ”.
***
Бөтә баҫма продукция араһынан аҡса әле булһа ҙур ихтыяж менән файҙаланыла.
***
– Ҡара әле, ҡара, шул тиклем әҙ! Һинекеме? Һыйпарға яраймы? Тотоп ҡарарға буламы?
– Эш хаҡымдан ҡулдарыңды ал!
***
Рәсәй Федерацияһында мәғариф реформаларын уңышлы үткәргәндән һуң белем кимәлдәре:
аҙ грамоталы (башланғыс белем);
грамоталы (урта белем);
үтә грамоталы (юғары белем).
***
Финанс хәле: магазинға үҙ пакеты менән йөрөй.
***
– Һин ришүәт алаһыңмы?
– Юҡ, аҡса алмайым.
– Ләкин һиңә ҡаршы 100 мең доллар ришүәт алған өсөн енәйәт эше ҡуҙғаттылар.
– Был аҡсамы ни?