+11 °С
Облачно
Мәҙәктәр
13 Августа 2022, 08:00
Әҙ-мәҙ мәҙәк
Әгәр һеҙгә бик күп ҡунаҡ килһә, йоҡлатырға урынығыҙ булмаһа, араҡыны күберәк алығыҙ, улар ятырға урынды үҙҙәре табасаҡ. ***
Әҙ-мәҙ мәҙәк
Ҡатыны компьютер янында ултырған ире эргәһенә килеп:
– Бер аҙ уйнап алайым әле!
– Һин иҙән йыуғанда мин сепрәгеңде килеп һорамайым бит…
***
– Ҡәҙерлем, мин һинән айырылам!
Ниңә?
– Осһоҙораҡты таптым…
***
– Ҡотлайым! Әллә ҡайҙан өйләнгән кеше булыуың күренеп тора, үтекләнгән күлдәк кейгәнһең!
– Эйе, өйләндем шул, ҡатын иң беренсе эш итеп кер үтекләргә өйрәтте.
***
Әгәр дүшәмбе иртән баш ауыртмай икән, тимәк, был шишәмбе көн.
***
– Ниңә баҡсаңа ҡарасҡы ҡуйманың?
– Һи, мин үҙем һәр ваҡыт өйҙә бит…
***
Ике әхирәт һөйләшә:
– Мәймүнә, бәлки миңә кейәүгә сығырғалыр?
– Кемгә?
– Әлегә белмәйем. Һантыйҙар бөткән тип уйлайһыңмы?!
***
Ике әхирәт осраша:
– Улың бигерәк иреңә оҡшаған икән!
– Һөйләмә лә инде, үҙем дә шуға аптырайым…
***
– Ҡәҙерлем, бөгөн беҙгә ҡунаҡтар килә, берәй нәмә әҙерлә инде…
– Уның бер ҡыйынлығы ла юҡ. Нисек әҙерләргә: улар тағы килерлек булһынмы, әллә беҙгә табан боролоп та ҡарамаҫлыҡ итепме?
***
Кешеләрҙең шул хәтле юғары белем алырға ынтылыуына иҫем китә. Миҫал өсөн, беҙҙең офиста 25 хеҙмәткәрҙең бары тик икеһе: йыйыштырыусы һәм курьерҙың ғына юғары белеме бар…
***
Әгәр «Мерседес» артабан да машиналарҙың электроникаһын камиллаштырыуҙы дауам итһә, улар, беҙҙең юлдарҙы күреп, Рәсәйҙән Германияға ҡаса башлаясаҡ.
***
Ишектәр магазинында эшләүсе һаҡсы бер аҙна урамға сыға алмай яфалана.
Фәнүз ХӘБИБУЛЛИН йыйҙы.