Тәнҡитсене ерләү
Тәнҡитсене ерләү өсөн аҡса биреүен һорап, Александр Дюмаға мөрәжәғәт итәләр. Дюма, күпме кәрәк, тип һорай. Хаҡын әйтәләр. Яҙыусы икеләтә хаҡ түләй һәм аҡса йыйыусыларҙың һораулы ҡарашын күреп:
– Ике тәнҡитсене ерләгеҙ, – ти.
Кәңәш
Яҙыусынан һорайҙар:
– Һин кешегә кәңәш бирергә яратаһың, йәл түгелме ни?
– Шунан башҡа бер нәмәгә лә эшкинмәй улар, – ти әҙип.
***
Бер банкир Марк Твендан һорай:
– Һинең мейең ҙур булғас, ни өсөн аҡсаң аҙ?
– Тәбиғәт тигеҙлекте ярата, – ти Марк Твен – Һинең аҡсаң менән минең мейене алғанда, тип-тигеҙ килеп сыға.
***
Билдәле яҙыусыға сибәр генә бер ҡыҙ былай ти:
– Беләһегеҙме, мин һеҙҙе бөтөнләй икенсе итеп күҙ алдына килтергәйнем...
– Аңлайым, – ти яҙыусы. – Моғайын, бәләкәй, йыуан, ялтас итептер?
– Юҡ. Бөҙрә сәсле, һомғол, сибәр итеп...