Арзан кәнфит

Уларҙы саҡ күтәреп касса янына килтереп һала. Кассала ултырыу­сы ҡыҙ:
– Зачем так много берете? Эти конфеты у нас всегда есть, –  ти икән. Инәй русса бик яҡшы белмәһә лә, мәрйәләр менән «уҡытып» һөйләшә:
– Бускай, бускай, һана! Ейән-ейәнсәрҙәрем күп, – тип яуап биргән. Ҡыҙ һанап бөткәс:
– 15 тысяч, – тигәс, ике күҙе биш булған Мөслимәнең.
Ул ваҡытта уның пенсия аҡсаһы өс мең һум да юҡ ине әле.
 Мөслимә инәй:
– Хәҙер, – тигән дә, бөтә нәмә­һен ҡалдырып, малайы эргәһенә йүгергән.
– Кәнфиттәр арзан булғанға, балалар килгән һайын бирермен тип, бер сумка кәнфит алғайным, мине ауыл бисәһе тип, алдамаҡ­сы булды, ахыры! Әллә яңылыш һананымы икән? Бар әле, киренән һанат! – тип улын индереп ебәргән.
Баҡтиһәң, кәнфиттәрҙең аҫ­тына йөҙ грамдың хаҡы яҙылған булған икән!

Фото: build-experts.ru