+22 °С
Облачно
Мәҙәктәр
1 Апреля , 05:55
МӘРӘКӘЛӘР
БУРЫС 1 апрелдә дуҫымдан көлмәксе булдым. Шылтыратам: “Сирай, теге миңә тейеш 15 меңде бирмәһәң дә ярай”. Ул шатлығынан ултырғыстан йығылып төшөп ҡулын һындырған, өҫтөнә ҡайнар сәй түккән, йығылғанда ноутбугын ватҡан, уныһы бесәйҙең өҫтөнә төшкән.Бурыстан баш тартырға тура килде...
МӘРӘКӘЛӘР
ШАЯРЫУ
Бер ир дуҫы менән барҙа эсеп ултыра. Дуҫы:
– Ҡатыныңа шылтыратып шаяртып алайыҡ әле, 1 апрель бит!
Ир:
– Ярар, һуңынан мин һинекенә шылтыратырмын.
Дуҫы уның телефонынан һөйләшә.
Ҡатын:
– Мин һиңә борсомаҫҡа ҡуштым бит, кәңәшмә бара. Бушамайым.
Дуҫы:
– Ғәфү итегеҙ, ләкин ирегеҙ әле генә машина аҫтында ҡалды.
Ҡатын:
– Үлдеме?
Дуҫы:
– Юҡ, иҫән. Дауаханаға алып киттеләр.
Биш минуттан һуң ир дуҫының телефонын алып, уның ҡатынына шылтырата. Ҡатын шунда уҡ:
– Сәләм, ҡәҙерлем! Миндә бик шәп яңылыҡ бар! Светканың ире эсеп иҫереп машина аҫтында ҡалған! Светка ресторандан өйөнә һыпыртҡан! Һөйәре менән! Билдәләргә!
Р. БОХАРБАЕВ.
Новости партнеров
