– Үзбәкстан республикаһы Президенты Шәүҡәт Мирзиев һәм Рәсәй Президенты Владимир Путин араһындағы ышаныслы мөнәсәбәттәр һөҙөмтәһендә Үзбәкстан – Рәсәй мөнәсәбәттәре нығый һәм яңы үрҙәргә ирешә. Төбәк-ара хеҙмәттәшлеккә айырым иғтибар бирелә, – тине Абдулла Арипов. – Үзбәкстан һәм Башҡортостан араһында сауҙа-иҡтисади хеҙмәттәшлекте, сәнәғәт кооперацияһын, мәҙәни-гуманитар хеҙмәттәшлекте киңәйтеүҙә үҙ-ара ҡыҙыҡһыныуыбыҙҙы билдәләп үтке килә.
Башҡортостан Башлығы Радий Хәбиров үзбәкстанлыларға республика делегацияһын ҡунаҡсыл ҡабул итеүҙәре өсөн рәхмәт белдерҙе. Төбәк етәксеһе билдәләп үтеүенсә, уның составына Башҡортостан бизнесынан 96 вәкил ингән. Улар b2b форма форматында Үзбәкстандан килгән коллегалар менән осрашыуҙар үткәрә һәм бер нисә килешеү ҙә төҙөгән инде.
Фото: Башинформ