Был дата ғаилә ҡиммәттәрен һаҡлау һәм балаларҙы, йәштәрҙе рухи-әхлаҡи тәрбиәләү маҡсатында булдырылған, тиелә документта. Башҡортостанда ошондай байрамдар йылына бер нисә тапҡыр билдәләнә. Был йолаға Каринэ Хәбированың башланғысы нигеҙ һалды. Шул уҡ көндө Радий Хәбиров «Ата-әсә ҡаһарманлығы», «Әсәлек даны» дәүләт наградаларын, «Мөхәббәт һәм тоғролоҡ өсөн!» кеүек йәмәғәт наградаларын да тапшыра.